Dia de transmisyon de Poder Prezidensyal en la MATAN-BASETER / BARIN-YURT
Dia de transmisyon de Poder Prezidensyal en la MATAN-BASETER / BARIN-YURT
Ansi ke es syempre el uzo en la Matan-Baseter/Barın-Yurt, Alhad demanyana el 19 del mez de Junyo, la fin del mandato de Şeli Gaon i la transmisyon del poder prezidensyal a Viktor Koen Üçer fueron selebrados en una atmosfera de amistad i alegria.
Momento de profonda emosyon ...kontinuasyon de un esforso de "asistensya a personas menesterozas"  ke empeso desde la kreasyon de la MATAN BASETER en los anyos 1930񮕟... esforso ke nunka, asta muestros dias, no desmenguo de intensidad. 
La sala del Barın Yurt estava ornada de flores. En la asistensya kon sus konsortes: el  Gran Rabino Rav Ishak Haleva, el Prezidente de muestra komunidad Silvyo Ovadya, el Prezidente Onoraryo Bensiyon Pinto, el Prezidente del Neve Şalom Vakfı Moise Bahar, prezidentes i myembros de diferentes Ovras i Institusyones ansi ke numerozos notavles de muestra kolektividad.
Prezentados a la asistensya por Aldo Elhadef, kuatro oratores tomaron la palavra:
La Prezidente saliente Şeli Gaon ke rengrasyo los myembros de su komite i auguro reushita buena a su suksesor.
El muevo Prezidente Viktor Koen Ülçer ke ekspreso su emosyon, la kuala esmovyo profondamente la asistensya
El Prezidente de muestra komunita Silvyo Ovadya ke izo el elojyo del lavoro kumplido 
El Gran Rabino Rav Ishak Haleva ke remetyo a Şeli Gaon una plaketa de agradesimyento.
Es la primera vez ke una semejante distinksyon fue echa de la parte del Gran Rabinato en el buto de rekonoser la valor del lavoro feminino karitativo en muestra komunidad... Ansi todas muestras ermanas ke desde anyos i anyos lavoran de alma ikorason en el kampo de la Byenfezensya se topan tambyen onoradas.
Hazak BARUH.