La intensiva aktividad akademika de intelektuales Almanes...
Fani Motola muryo. Kon su disparisyon, la Komunidad Judia de Estambol peryo una de las personalidades las mas markantes de este empesijo de milenaryo.
La intensiva aktividad akademika de intelektuales Almanes en  el kampo de as investigasyones i  estudyo del Judeo-Espanyol

K. P.

Un muevo egzemplaryo de Neue Romania  « Judenspanisch IX » vyene de pareser debasho la direksyon del Prof. Winfried Busse de la Universidad de Berlin..
La parte historika de esta publikasyon kontyene observasyones sovre la evolusyon de las  kondisyones de vida de los Sefardies en el Imperyo Otomano a partir de 1839.
Topamos tambyen dos artikolos  de Amor Ayala, Winfried Busse i Michael Studemund-Halevy sovre el teksto de un refranero publikado en eskritura Rashi, en Estambol, en el anyo 1924 " La Mujer en el proverbyo".i  "Refran mentirozo no ay".
Tambyen, "el Prof. Michael Halevy" i "Gaelle Collin"  publikaron en la Revista Almana "Romanistik in Geschichte und Gegenwart" del 11/2/2006 pp. 173낒:  
"En kada dedo tenia una maravia" el refranero de Fortunée Kalev de Bulgaria  kon sus varyantes sefarado-bulgaras, refranero del kual eyos izyeron una analiz lenguistika i filolojika muy profunda.
Este ermozo lavoro  komporta un grande interes para mozotros Sefaradim de Estambol i de los Balkanes , desendyentes (por la mas parte) de mujeres i ombres de esta epoka.
No desharemos murir muestra lingua, no desharemos despareser muestra kultura.