La muerte de una Grande Dama
La muerte de una  Grande Dama
Fani Motola muryo. Kon su disparisyon, la Komunidad Judia de Estambol peryo una de las personalidades las mas markantes de este empesijo de milenaryo.
Mujer justa , fuerte , irreduktivle sin portanto ser intransijente, grande intelektual de una kultura jeneral muy ancha i muy variada , pionera de la emansipasyon feminina, Fani Motola fue una de las primeras avokatas Judias de Turkia.
Ekselente Sitizana  , syempre konsernada por los problemas sosyo ekonomikos de su Payis, myembro de multiples asosyasyones kulturales komo karitativas, militante infatigavle para el enaltesimyento de las klasas sosyales desfavorizadas , eya era en mizmo tyempos un myembro fidel de su komunidad, syempre muy atada a su relijyon i a sus tradisyones, syempre pronta a ayudar su deredor sin distinksyon de orijen.
Fani Motola fue tambyen una ekselente mujer para su marido, una muy buena ermana i tia i para mozotros todos una amiga irremplasavle.
Eya muryo entornada de amor, kerensya, onor i konsiderasyon. Ke su alma repoze en paz.