gozlemkitap
RSS
Yayın Haftaları X
Tzipi Livni: Ser mujer a la kavesa de un governo de machos en mayoria
Tzipi Livni: Ser mujer a la kavesa de un governo de machos en mayoria

Myerkoles pasado eramos nombrozos delantre el ekran de televizyon, asperando kon anksyedad el rezultado de la eleksyon ke iva desidir del futuro prezidente de Kadima.

Los votos devian eskojer el shefe de Israel asta las muevas eleksyones ...ma era syempre un primer paso, un primer indisyo del nivel de afirmasyon o de ezitasyon de la voluntad de una partida de la populasyon.

Dos kandidatos todos los dos de grande valor, el uno grande militaryo, uno de los presedentes shefes del Estado Mayor Israelyano, pilar invensivle de la seguridad del payiz ... el otro (o la otra) una mujer de 50 anyos muy fuerte, kon su handikap o avantaje de ser mujer, enerjika i pragmatika ma tambyen muy sensivle, kon su emotividad de madre ke refuza para sus ijos

una situasyon permanente de medya belijeransya i insertitud a perpetuidad.

Syempre el mizmo dilemna ...De una parte komo objetivo dominante “la seguridad del payis”, sin pedrer de vista la nesesidad de relasyones pasifikas kon el entorno.

De la otra, todo en konsiderando “el enfortesimyento de la otodefensya” komo primer eskopo, penar a ir mas leshos ke lo ke parese ser posivle afin de ayegar a un estado de paz ke va permeter un mas grande desvelopamyento del payis ansi ke de toda la rejyon, i afin de pueder deshar a las djenerasyones venideras un mundo ande se puedra bivir sin espanto.

No tengo personalmente ninguna kompetensya para afirmar kualo ke sea, ma al pareser Tzipi Livni tyene una vizyon mueva de la vida en Israel, mas avyerta aunke syempre absolutamente konsyente de la identidad del payis.

Todos los dos kandidatos, a niveles diferentes, son partizanos de la kreasyon de un estado Palestinyano, todos los dos akseptan los derechos del puevlo vezino a tener su otonomia afin de pueder asumir enteramente sus responsabilidades.

Este tema de dever envezes eskojer la prioridad entre dos elementos igualmente primordyales: la “seguridad” i la“libertad”, elementos de baza de la vida sosyal de kualkyer payis, revyene kon grande frekuensa en munchos otros lugares i mizmo en otros kampos de aksyon, ma el problema devyene muy difisil a rezolver kuando se trata del destino de un puevlo.

Una kestyon mos vyene inevitavlemente al tino: Es ke puede aver real libertad sin ke ayga seguridad? i tambyen : a kualo syerve la seguridad sin libertad?...

En todo kavzo, Tzipi Livni parese ser polivalente , fuerte malgrado su sensivilidad de madre. Oy en dia es imposivle de predizir si eya va parvenir a formar un governo i ken sera eskojido kuando se azera la proksima eleksyon no solo al nivel de Kadima, ma al nivel nasyonal.

Vox populi vox Dei” dezian los latinos “boz del puevlo ,boz de Dyo”

Chika biografia de Tzipi Livni

(segun el sentro informatiko Yahoo)

Tzipi Livni nasyo en Tel-Aviv en el anyo 1958 . Eya es kazada i madre de dos ninyos.

Jurista de formasyon, eya lavoro durante 10 anyos komo avokata espesyalizada en el derecho komersyal i immobilyaryo.

Tzipi servyo en tanto ke ofisyal (teğmen) al seno de Tsahal i mas tadre en el Mossad.

En 1995 eya fue elijida a la Kneset komo myembro del Likud i izo parte de la komisyon “Konstitusyon, Derecho i Djustisya” ansi ke de la komisyon para la promosyon del estatuto de la mujer. Tzipi fue tambyen prezidente de un grupo kargado de la lejislasyon preventiva kontra el “blankeo de moneda ilisita”.

En 2001 eya fue nominada Ministro de la kooperasyon rejyonal ansi ke de la agrikultura i del desvelopamyento rural ,al seno del 29en Governo.

En 2003, en el 30en Governo, eya fue ministro de la konstruksyon i del alojamyento (konut) ansi ke de la integrasyon.

Tzipi Livni fue myembro del Likoud asta fin 2005 , data a la kuala fue kreado el partido Kadima.

Eya fue dezinyada Ministre de Relasyones Estranjeras el 18/1/2006.

İ el 4 Mayo del mizmo anyo todo en konservando el mizmo posto fue nominada Viche Primer Ministro.

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008