gozlemkitap
RSS
Yayın Haftaları X
Trokamyento konsideravle en la manera de pensar del puevlo Amerikano
Trokamyento konsideravle en la manera de pensar del puevlo Amerikano

En manko de dos mezes lo amerikanos eskojeran sus prezidente por kuatro anyos ...Aunke munchos otros problemas mundyales reboltean el mundo, la prensa estranjera esta enfohada sovre esta eleksyon.

Kale achetar ke malgrado la kreasyon de la komunidad Evropea i la fantastika evolusyon ekonomika de syertas potensyas asiatikas , la Amerika del Norte aunke en periodo de dekadensya monetarya i de degradasyon en la opinyon mundyal, kedo syempre para munchos payizes, komo el imajen de la fuersa dirijente ke rejira el futuro del mundo.

“Obama-McCain”/ “McCain-Obama” ... grandes diferensyas los separan, aunke se topa entre eyos algunos puntos komunes .

Obama es sentrado sovre las valores esensyalmente sosyales de “la Syedra”: “establesimyento de un sistema mediko/sosyal ke rezolvera los problemas de munchas famiyas ekonomikamente flakas”,”esforsos para enalteser el nivel de vida de la klasa desfavorizada”, “mas grande avyertura verso el mundo eksteryor”, “intensifikasyon de las relasyones kon otros payizes” ets...ets...

McCain, el keda fuertemente atado a las valores nasyonalistas i konservativas de “la derecha”, todo en renforsando el ayudo a los desmamparados i los nesesitozos i sovre todo en azyendo sentir su dezeo de desferensyarse enteramente de la politika de su predesesor.

El prinsipal punto komun entre los dos, es el menester imperativo de un trokamyento radikal de governansa, sin nunka nyegar la erensya respektiva del partido al kual kada uno apartyene.

El primer eskojo komo Vice Prezidente un ombre muy simpatiko i de grande eksperyensa diplomatika... el segundo (el mizmo bastante eksperimentado) prefero una mujer kon una eksperyensa limitada a la provinsya de la kuala eya es la governora, una mujer preokupada por problemas de famiya, ma muy intelijente i muy pragmatika aunke fuertemente atada a prinsipyos relijyozos de “Fundamentalizmo”i “Kreasyonizmo”.

Asta oy en dia, ningun pronostiko fermo fue echo al sujeto de los votos... kada uno de los dos kandidatos tyene sus partizantes komo sus detraktores i es la masa kompakta de los ezitantes ke desidira del rezultado final

Esto todo, ya lo meldamos i lo oyemos kada dia... Ma oy (a mi pareser) lo mas importante no es unikamente el rezultado final, lo ke es realmente importante es el progreso del puevlo Amerikano el mizmo, en su manera de pensar: ”los demokrates ke akseptaron komo provavle prezidente un ombre de kolor bruna” i “los republikanos tradisyonalmente puritanos ke achetaron komo eventual Vice Prezidente, una mujer kon una ija prenyada sin ser ofisyalmente kazada”.

Ansi, dos terrivles prejuisyos ke oskuresiyan el imajen de los Estados Unidos paresen en estado de ser vensidos. Oy en dia, malgrado chikas ezitasyones, el puevlo amerikano afirma aver trokado su vizyon. No es mas sovre su sekso ni la kolor de su kuero ke se deve evaluar una persona ma sovre su sola valor personal.

Es verdad ke esto ya avia empesado unos kuantos anyos antes, kon la nominasyon de Powel i de Condolenza Rice, ma esta vez se trata de una eleksyon prezidensyal, de la persona ke va asumir el destino del payis.

Por la primera vez en la Istorya de los Estados Unidos, un ombre de kuero bruno fue nominado “kandidato ofisyal a la Prezidensya” i una mujer kon grandes problemas de famiya fue eskojida i akseptada “kandidata a la vice Prezidensya”de un prezidente bastante aedado i de salud prekarya.

El kuatro novembre no es solo Obama o byen McCain ke sera el verdadero triumfador, ma el puevlo amerikano el mizmo kon su esforso de ir mas leshos ke la manera de djuzgar ansestral ke parsyalmente lo karakterizava...

Facebook'ta Paylaş
Yazar Klara PERAHYA
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008