gozlemkitap
RSS
Yayın Haftaları X
Nada mas ke un byervo (1)

Adaptasyon: Coya DELEVİ

El Prens Kaunitz, fue el ombre poderozo de todo el Imperiyo Austriako, debasho el reynado de la Imperatrisa Marie-Therese. Eya, nunka tomo kualkyer dechizyon, sin aver sintido el Konsilyo de Ministros. En el sovredicho Konsilyo, la opinyon de Kaunitz, era definitiva, dechiziva i no se pudiya afilu diskutir. Mizmo el Imperator François, ke syempre asistiya al debate, nunka reusho a azer achetar sus puntas de vista, munchas vezes en kontradisyon kon los del Prens…

Akeya epoka, los Djudios de Vienna, estavan bivyendo debasho la amenaza de ekspulsyon. Un orden imperyal, era bastante para ser ovligados de vender sus kazas, sus negosyos, kon un presyo komiko. Esto keriya dezir  empesar de muevo a bushkar una mueva patria. Para evitar sorprezas dezagradavles, los Djudios reusheron a merkar, a fuersa de moneda, (de untar komo se dize!), syertos fonksyonaryos kapavles de prevenirlos. I fue de esta manera, ke se embezaron el muevo dekreto, demandando sus ekspulsyon. El orden, ya estava pronto para ser prezentado al konsilyo  i a la  aprobasyon de la İmperatrisa.

Kon prometas, kon regalos i rogativas, los notavles de la Komunidad Djudia, reusheron a ablandar el korason de los ministros i del İmperador. Aprometyeron de avlar en favor de los Djudios. Malorozamente, a kualo pudiya servir el apoyo de estas personas, alora ke Kaunitz, era inaksesivle i teniya su puerta serrada a todo Djudio?…

El riko i aedado bankyer Oppenheim, prezidente de la Komunidad Israelita de Vienna, estava dezesperado. Se aviya embezado, ke akel diya mizmo, se iva dechidar el futuro de los Djudios. I el no aviya reushido dayinda, a avlar kon Kaunitz. El muevo dekreto estava ordonando de deshar Vienna, en el entervalo de 24 oras. Esto keriya dezir, ke todas las posesyones de los Djudios, no teniyan entonses dinguna valor. Iva ser la ambyertura, la provedad, la mizerya para todos.

Oppenheim estava asperando delantre de la puerta de Kaunitz, desde munchas oras. Vido al moso del Prens,  lo saludo kon una reverensya, dandole una bolsa de 50 oros. El moso demando la razon de este regalo. Oppenheim le rogo de ayudarle  a avlar kon el Prens. El moso respondyo ke era imposivle, i adjusto: ”Su Alteza defendyo deshar entrar a todo Djudio.” Oppenheim le propozo de darle otra una bolsa de oro. El moso de muevo refuzo, i kijo dar atras, la primera bolsa afilu. Ma, el vyejo bankyer, le respondyo:”Yo te los ize regalo estos oros, ke keden en ti.”

Dezesperado, el nikochiri no saviya kualo azer, mas ke arrogar al Todo Poderozo de vinir a su ayudo. En esto, pasa otro moso kon un par de kalsados en la mano. I el mira de fuyir en vyendo el vyejo, ma no reushe. Oppenheim se aserka del moso, i le demanda si tyene algun menester. “Si,” responde el moso, “tengo menester de 200 oros para pueder kazarme kon Rosette, la ija del portalero. El demanda esta suma, para achetarme komo yerno.”

Oppenheim le di,ze ke le va arregalar lo ke kere, a kondisyon de darle ayudo, a lo manko de aserkarse del Prens Kaunitz, i avlarle...

 

(a kontinuar)

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008