gozlemkitap
RSS
Yayın Haftaları X
PİNHAS

En la peraşa de la semana pasada "Balak" meldamos ke el rey de Moav remarka de serka kon grande emosyon i miedo, el sukseso i la grande reuşitad de los ijos de Yisrael ke salyeron a libertad de Ejipto.

El rey Balak tuvo espanto grande, no kijo enfrontarse kon el puevlo de Yisrael ke avansava kon grande viktoryas en el dizyerto para las tyerras aprometidas a "Erets Kenan" Erets Yisrael de oy.

Por esta razon, se akonseja kon los reynados del doredor, ke manera frenar i salvarse de los İjos de Yisrael. El remarko muy byen el suksezo de Yisrael, es difisil esplikar rasyonalmente.

Un puevlo ke salyo a libertad dos pues de un longo tyempo de esklavaje, en kurto tyempo ke sea kapaçı a venser reynados, i potensyas sin grandes difikultades.

El desida ke en Yisrael egziste una fuersa sovre la natura, por esta razon el envita a un eçizero famozo nombrado "Bilam" ke kon suz eçizos i maldisyones eksterminor el puevlo de Yisrael.

Bilam le dize al Rey Balak: Tu no puedes mezmo kon fuersas mistikas o majikas determiner a este puevlo, porke el Dyo. Los proteja a eyos de todo Mal.

Ma te puedo konsejar, si tu parvyenes aleşar a eyos de sus kultura relijyoza, i de la fey en sus kriador es la fin de este puevlo.

Por esta razon enbiya, entre eyos las mansevas de tu nasyon, i en esimilandosen kon eyas pueden reuşir mas fasil, ke todas tus armas.

Malorozamente, las muçaças Moavitas, fueron kapaçis a penetrar aryento de los ijos de Yisrael i kavzaron danyo grande al puevlo.

Pinhas ijo de Elazar inyeto de Aaron el Koen ke meldamos en la peraşa de la semana, kon una grande sanya i koreje, izo un akto ke no ez lejitimo i admetido, i ninguno lo puediya konsejar lo ke el izo. El (Pinhas) mato un prezidente, ke se burlava de los dirijentes, kon una muçaça Moavita.

Esto fue un şok a toda la nasyon, el rezultado de este akto puediya ser muy negativo, por esta razon D.. dişo a Moşe: Pinehas izo kalmar mi sanya i yo paso mi aliansa de "Şalom" pas a el.

Es enteresante de sulinyar ke el byervo "Şalom" en el Sefer Tora la "Vav" esta kortada.

Sembolikmente la Tora mos da el mesaj i si ya se formo la pas ma esta rota, i no mos olvidaremos ke esta manera de "Pas" "Şalom" fue kriada kon un evenemento amargo, i negativo. Ke no sea por un egzempyo al avenir.

Facebook'ta Paylaş
Yazar Rav Yeuda ADONİ La peraşa de la semana
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008