gozlemkitap
RSS
Yayın Haftaları X
La ventana de vuestra ermana

Şeli GAON

“La Serradade una EPOKA”

La semana ultima uvo una pedrita de una mujer muy presyoza: “TANYA BAHAR”; la madre del Profesor Dr. Mois Bahar, se bolo komo un pasharo (ke este en ganeden). Tanto livyana, ke no uvo mizmo tyempo de dar un avizo al jurnal.

Komo era la fyesta de Shavuot; los funerales i el korte fueron el mizmo dia.

Tanya Bahar; era una mujer muy devuada kon su famiya, muy kerensyoza kon sus ijos Rıfat i Mois, eya  de 98 anyos. Teniya una atitud muy novle (asil bir duruş), kapache en su manseves; dirijadera de su kaza i famiya; era una mujer muy kultivada.

Meldava munchos livros i le plaziya avlar, azer diskusyones enriva del sujeto de los livros.

Komo era una paryentes de mi nona; tuve el grande plazer de konoserla de serka.

Si vos akodraj keridos lektores; antes un anyo, aviya eskrivido sinko, sej istoryas ke me aviya kontado.

Teniya  una avla dulse, era seryoza.  Kuando avlava, la sintiya sin enteromparla (araya girmeden).

Se aziya sintir, mujer enteresante.

Eya aklaro kon su luz; el doredor, su famiya, saviya el fransez kon el espanyol i avlava estas linguas komo su lingua maternal.

Se glorifikava (gururlanmak) de sus ijos, ermueras i sus inyetas i inyetos. Una famiya aunada; ke korriyan al mas chiko menester de sus madres, kuando telefonava.

Era konsiderada komo una reyna de la parte de sus ijos, i su ermuera Emel; se okupava de toda la regula de su kaza, de sus nesessitades fina el mas chiko detalyo ke puede egzistir.

Kualo bushka la persona en la vida?

La persona bushka del dia ke nasyo fina su muerte; bushka una vida larga kon sanedad, kere abasteser de si para si, bushka el plazer.

La kerensya i ser amada por los otros es una partida del plazer de la persona.

Tanya Bahar bivyo kaji komo un syeklo (asır), sana i rezya grasyas a su ijo Dr. Mois Bahar; ke se iva kaji kadal dia para egzaminarla; mirarle la tansyon, el diyabet i todo modo de desrepozo ke se sintiya verso la fin de su vida. Para eya era una fyesta kuando viniyan sus ijos; para avlar i pasar el tyempo kon eya.

Eya teniya kualidades (nitelik) espesyales; era una personalitad sensivle i sinsera.

La persona tomava plazer de konversar kon eya, era muy enteresante, se akodrava de detalyos de antes 80-90 anyos. Su famiya i los ajenos la respektavan i eya era oroza de ver este eguardo (saygı).

Era una madre ke protejava su famiya, aboltava todos los echos de su kaza en su manseves, teniya una intelijensya briyante, los ojikos briyantes kuando estava kontente.

Mujer dominante (zihrono livraha), teniya una memorya (bellek) fantastika.

Malorosamente; un platano (çınar) de la famiya Bahar se desparesyo.

Esto muy triste; de peryer a esta mujer aklarada, kultivada i respektavle (saygın).

Kerida “TANYA”; ke tu alma repoze en ganeden.

Todos estamos muy abatidos de peryerte.

Pasensya a tus ijos i a tu kerida famiya...

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008