gozlemkitap
RSS
Yayın Haftaları X
La muerte de un ninyo
La muerte de un ninyo
Klara PERAHYAAy de esto dos semanas, numerozos kotidyanos i televizyones de Evropa eskrivyeron i mostraron durante unos kuantos dias, la fotografia de un ijiko de 11 anyos ke fue matado en Londra, por mansevikos enteramente deskonosidos, sin ninguna razon palpavle.
No es el primer kavzo semejante; estos ultimos anyos los delitos kriminales juveniles se izyeron de mas a mas frekuentes en los payizes konsiderados ser muy adelantados, komo si una mano maldicha se esta obstinando a todo manchar i ensuzyar.Ainda la semana pasada en Fransya i el Danemarka bandas de jovenes sakearon, rompyeron i destruyeron por motivos futiles.
Ke esta afitando a la mansevos? Inadaptasyon al ritmo loko de la vida? Mankansa de referensyas morales? Menester de mas a mas imperyozo de afirmarsen afin de ser oyidos? İndiferensya del entorno? O puede ser, soledad terrivle en un mundo ke sovrepasa sus entendimyento? Un mundo muy sofistikado, muy egzijente kon sus miles espejos ke reflektan byenes para munchos inaksesivles?
La psikolojia moderna afirma ke la persona tyene en eya dos instinktos kontraryos, el “instinkto de vida” i el “instinkto de muerte”. Malorozamente, es el segundo ke esta aktualmente prevalesyendo.
Parese aver en la manseves (kual ke sea el nivel ekonomiko del payis ande eya se topa) un djenero de ravya kontra la vida, un dezespero sin justifikasyon konkreta, komo un sentimyento de kontinual deskontentez ke la pusha a todo kontestar i mizmo munchas vezes a todo kerer derrokar ...
Eske el progreso materyal se adelanto muy rapidamente en komparasyon kon el adelantamyento moral i intelektual de la persona?
Es ke es djusto de syempre dar a los jovenes, sin nada demandarles en retorno ?...de kerer detener los ninyos leshos de todo modo de ovligo, afin de desharlos bivir la alegria de sus chikes sin pensar a los ke nunka konoseran este gozo?
Puede ser, entre otras mezuras, sera oportuno de meterlos gradualmente, desde sus chikes, frente kon frente kon la vizyon de la verdadera mizerya umana (por seguro en proporsyon kon la edad de kada uno) i de azerlos progresivamente partisipar a un lavoro de asistensya sosyal ke los pushara mas tadre a ver mas klaro.
Al empesijo, el lavoro sera duro i ingrato,ma inevitavlemento, el despertara en los adolesentes el menester de ir mas leshos ke sus solo ego.
En el kaos ande bivimos, i ande el Byen i el Mal estan mesklados el uno al otro, kedo una sola koza a azer, dar a kada uno el senso de su responsabilidad. La Biblia mos dize: “Meti el Byen i el Mal delantre tu puerta, eskoje el Byen, eskoje la bendisyon”
“El akto de eskojer” apartyene a la kriansa umana i es el akto del kual eya sola devra responder delantre el Dyo, la djente i su propya konsensya..
El grande pensador Djudyo Emanuel Levinas, universalmente konosido i apresyado, desvelopo en su filozofia el konsepto de muestra responsabilidad delantre la kara del “otro”... Es djustamente esto, lo ke desgrasyadamente manka lo mas a la adolesensya de muestro tyempo, i es solo esto ke puedra ser un verdadero punto de apoyo para eya.
Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008