gozlemkitap
RSS
Yayın Haftaları X
La ventana de vuestra ermana El Maccabiat en Roma
La ventana de vuestra ermana El Maccabiat en Roma
Şeli GAONEste anyo el dodjen maccabiat fue en Roma en el 4.7.2007 fina 12.7.2007; ande 38 paises partisiparon kon 2.000 esportivos.El Maccabiat es una organizasyon muy grande i muy serioza en el mundo entero i en Estambol.
El grupo de 130 esportivos de la Turkiya se adjunto kon los esportivos djudyos d’el mundo entero en Roma.
Se organiza kada kuatro anyos en İsrael, i kada kuatro anyos en las kapitalas de los paises de la Evropa.
El primer renkontro fue en 1932 ande 18 paises aviyan partisipado kon 400 esportivos.
Los mansevos de 15 a 25 anyos; tyenen una responsabilitad remarkavle en este sujeto. En el enterval de doz anyos; los ke van a partisipar en las seksyones diferentes komo el futbol, futsal, basketbol, voleybol, tenis, badmington, bridj i otras; se van a los egzersisyos tres vezes a la semana sin mankar, lavoran i luchan de alma i de korason para pueder arivar a sus butos i ganar un premyo en las kompetisyones.
Eyos ke son tan okupados seya en sus universitas, seya en sus lavoros; los dias de los egzersisyos son sakros.
Son muy byen organizados, se arekojen en la ora djusta, para pueder djugar i adelantar.
Esta amor de futbol i otros djugos; vyene de aryento del korason; eyos no se arrepinten (vazgeçmek) de djugar al koste de kedar enfirmos.
El dia del viaje todos vistidos kon las formas represantando sus paises; todos emosyonados i ambisyozos para pueder ganar medalyas en sus seksyones.
En la seremoniya de la avyertura; la trupa entrando al stadyum Flaminio; deteniyan en la mano una vela Turka de 20 metros; i miles de espektatores aplodisando... Esta vista era koza de ver...
El grupo de futsal fue el mas reushido en este Maccabiat i gano una medalya. A parte; el grupo de bridj, tenis i badmington ganaron medalyas. Es un orgolyo para el pais de ganar tantos premyos entre todos los paises ke asistyeron.
Lo mas emportante es; el amigable entre tantos esportivos; mizmo ke se inyervan unos kon los otros por el djugo; tyenen una armonia remarkavle entre eyos.
Se akordan i pasan el tyempo kon un sentimyento de ermandad.
Los mas grandes okupandosen de los chikos i protejandolos.
La amistad kontinua syempre; se bushkan i se arekojen para akodrarsen de la semana maraviyoza ke pasaron endjuntos.
Sus ganansyas es: la unyon, la solidaridad ke tyenen entre eyos.
Por terminar; les aguro reushitad no solo en el futbol; ma en todo moda de espasyo de sus vidas i de sus dezeos.
Reushitad en el Maccabiat de 2009!...
Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008