gozlemkitap
RSS
Yayın Haftaları X
Reeleksyon de Silvyo Ovadya a la kavesa de muestra Komunidad
Reeleksyon de Silvyo Ovadya a la kavesa de muestra Komunidad
Klara PERAHYASilvyo Ovadya vyene de ser elijido por un segundo mandato a la kavesa de muestra komunidad, i esto no es una sorpreza para ninguno visto su enorme enerjia i sus grandes kualidades de pragmatizmo i en mizmo tyempo refleksyon.
Profundamente atado a los preseptos de moralidad i umanizmo ke de syempre fueron las grandes karakteristikas de muestra komunidad, i grasyas a su prodijyozo dinamizmo, su intelijensya i sovre todo su avyertura verso el avenir, el kumplio grandes adelantamyentos en el kampo kultural, durante su primer mandato.
Todo komo sus predesesores: Jak Veissid (ke su alma repoze en paz)  i muestro infatigavle i kerido Bension Pinto, prezidente onoraryo a vida, Silvyo dyo una importansa prioritarya a la observansya de los prinsipyos relijyozos ansi ke al lavoro karitativo i sosyal de muestra kolektividad.
Ansi, desde unas kuantas dekadas, se kreo en muestra komunidad una larga kavena  sosyo- kultural, i kada muevo komite adjunto segun la konjektura i las oportunidades de la epoka, muevas vizyones, muevos proyektos, muevas realizasyones.
El Sefaradizmo, por egzempyo,  konose en este momente un muevo impulso en muestra sivdad grasyas a la inisyativa de Silvyo Ovadya de krear ofisyalmente  el ”Sefarad Kültürü Araşt?rma Derneği” un lavoro de grande importansa  echo kon la presyoza kolavorasyon i debasho la direksyon de Karen Gerşon Şarhon.
La aktividad es grande en el kampo de las investigasyones historikas de muestra kolektividad, i se ve de mas a mas la  organizasyon de konferensyas sovre el sujeto,  krasyon de atelyes de lavoro, publikasyon de muevos livros , arreglamyento (de una manera  profesyonal i syentifika) de la biblioteka del Gran Rabbinato, ets... ets...
El primer mandato de Silvyo Ovadya fue igualmente muy fruktuozo en varyos otros kampos, komo lo fueron los de sus predesesores.
Ansi sera syempre muestra komunidad , kontinualmente, avyerta sovre el avenir i en mizmo tyempo profundamente atada a sus prinsipyos i tradisyones.
Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008