gozlemkitap
RSS
Yayın Haftaları X
Otrun paso para el avenir del J- Espanyol
Otrun paso para el avenir del J- Espanyol
Coya DELEVİMuestros avuelos ke fuyeron de la Espanya, krearon ovras intelektualas en los paises ke se instalaron. Estas ovras forman el patrimonio ke mos desharon eyos, i ke devemos konservar para desharlo a la posteridad. La mas presyoza erensya es la lingua ke oy yamamos Ladino o Judeo- Espanyol...
La Literatura, la Muzika, djuntos tambyen las tradisyones... En grande parte se reusho a konservar estas rikezas i transmeterlas de jenerasyon en jenerasyon, grasyas a las Madres Djudias.
Desde 1492 asta kaji dos siglos despues, muestros avuelos guadraron un Espanyol puro. Los Sefaradis kontinuamos a avlar esta lingua ke asemeja al Espanyol de antes 500 anyos. El lektor puede dezir, la idioma ke avlamos aktualmente no es “pura”, es una “mesklatina.” Egzakto... Es savido ke tomimos byervos del derredor, esto avlando yo, de una jeneralidad.
Las jenerasyones aktualas ke grado estan enterasadas en la”sobrevida”, de la lingua? Ay los indiferentes, por no dezir los pesimistos... Otros responden a medya boka, “ni si, ni no, ni kemande!!” Yo propyo, kuando ampesi a eskrivir sinti talas palavras:” Pena en baldes, ken va meldar el Judeo- Espanyol?” Bueno, oy estas personas mos estan felisitando, dizyendomos de kontinuar! Ke se aze? C’est la vie!...
Si no dezeamos deshar kayer la lingua en olvido, kualo se puede azer? Desde los anyos 1920 akadamisyenes Evropeos, ampesaron a meter en valor el potansyel de la Kultura Espanyola transmetida por los djudios ekspulsados. Kon grande plazer estamos konstatando la ola d’entereso por la lingua, los movimientos de Kultura. En este kuadro kero sitar el paso ke echo Moshe Shaul antes unos 25 anyos, kon “Aki Yerushalayim.” Rachel Bortnick, ke fondyo el sitio Ladinokomunita. Estas son solamente dos entre otras...
Aktualmente estamos oyendo avlar el J- Espanyol, grasyas a los aedados, i un poko a los ke engrandesimos mozotros. Koza kuryoza, estos mizmos mansevos no fueron muy inklinados a transmeterla a sus ijos. Deke? Reelmente no se. Perdonadme si paresko severa. En Turko ay una dicha:”Dost acı söyler..” Lo ke penso lo digo a la kara, o no avlo del todo. Puede ser ke kedimos un poko tadre a realizar el “arresvalamyento entre muestros dedos” del patrimonio ansestral.
Se deviya azer esforsos para dar un atako muevo(atılım), i efektivamente se izo. El paso importante fue la kreasyon del “Sentro de Investigasyones de la Kultura Sefaradi- Turka –Otomana. Kon la inisyativa de Karen Gerson Şarhon, en el 11 Enero 2004, se realizo un “Seminaryo,”ande asistyeron personas enterasadas en esta Kultura. En Marso 2005, muestra revista “El Amaneser”enteramente redijida en J- Espanyol, ampeso su vida de publikasyon. Estamos arresivyendo eskritas de todas las partes del mundo, lo ke esta prokurando grande prestijyo a “El Amaneser.”
Kero avlar un poko del proyekto “Centropa”, ke asigun entendi, no esta muy konosido aki. Es un sentro de investigasyones sovre la istorya oral de los Djudios de Evropa, enkavesado por el Dr. Edward Serotta. Se trata del testimonio a un Siglo Djudio. Los informantes, arriva de 70, kontando sus vidas de antes i despues las gerras. En Turkiya, el solo pais Evropeo ke no konosyo la “SHOA”, ampeso el presipyo de 2005, debasho la koordinasyon de muestro Sentro de Investigasyones. Verso la fin Avril 2007, kon la kollaborasyon del Instituto Cervantes i del “Şalom,”se realizo una konferensya sovre la “Prensa Judeo- Espanyola”.
Enfin el paso importante. Muestro “Sentro de Investigasyones Sefarad” desde el presipyo del 2007, gano una identidad legal, un estatuto de “Asosyasyon”dandole ansi la posivilidad de profitar del ayudo materyal de fondasyones internasyonalas para los proyektos sovre muestra Kultura. “L’Asamblea Jeneral” se izo el 23 Mayo 2007 kon la partisipasyon de los dirijentes i miembros. Estos pasos mos dan la esperansa ke el Judeo- Espanyol no disho su ultima palavra. Meteremos el punto final kon los byervos de Karen Şarhon, en el Marso 2005 ” ...kon el nombre de Dyo i kon la esperansa de azer un otro paso verso la konservasyon i adelantamyento de muestra kerida erensya...”
Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008