gozlemkitap
RSS
Yayın Haftaları X
Espanya esta deskuvriendo su erensya Djudiya
Espanya esta deskuvriendo su erensya Djudiya
Dora NİYEGODiez anyos antes, no puediash topar nada sovre el judaismo en Espanya. Agora, sinko siglos duspues de la ekspulsion, Espanya empeso a enteresarse a su erensia sefaradi. Los kuarente mil djudios ke biven en Espanya no tienen mas menester de guadrar sus identidad.
En el pais, se estan organizando festivales, konferansas sovre los Sefaradis. El internasional bestseller de Noah Gordon ‘The Last Jew’, la pyesa de teatro ‘Only Human’, la kuzina sefaradi, los restoranes sefaradis, ‘Los Kaminos de Sefarad’ (una ekskursion organizada por ver las kinze medival sivdades de Espanya) son unos kuantos egzamplos de esta reanimasion.
La kuriozita de los turistos sovre los karteles judios, las Sinagogas, los semiterios esta pujando de diya en diya.
En el kartel judio, Segovia, situado en la rejion Kastilya de Espanya, duspues de la ekspulsion, syen kazas judias fueron derrokadas par avrir kamino a la grande Katedral Corpus Christi Church ke fue transformada de una Sinagoga a una Klisiya. Kada diya, syenes de turistos estan vizitando Segovia i estan komiendo en los restoranes sefaradis de Segovia, los mas populares syendo The Menora Cafe i El Fogon Sefardi. Mezmo el puevlo ke bive oy en Segovia no saviyan la istoria judiya de este kartel.
Durante syenes de anyos, la relasyon de Espanya kon su erensia sefaradi fue una luha kontra el silensio. En la Edad Medival de Espanya, los judios djugaron un grande rolo en el sukseso de este pais.
En el dizimueven siglo, los komersantes judios de Gresia, Almania i de los otros paises de la Evropa, empesaron a tornar atras a Espanya. En el anyo 1916, eyos konstruizaron la primera moderna Sinagoga en Madrid i gerreyaron allado de los Repulikanos en la Gerra Sivil ke se eskapo kon el sukseso de General Fransisko Franko ganando el kontrol fashisto en el pais. En el anyo 1968, kuando las leyes de opresion empesaron a aflosharsen, una mueva komunidad judiya empeso a formarse en Espanya. En los anyos dalkavo, kon la emigrasion de Judios de munchos paises, la populasion judia del pais arivo a 40.000. En el 500’ien anyo de la Ingizision, el rey Juan Carlos se adreso a los miembros de la Sinagoga de Madrid, diziendo ke el esta muy kontente del retorno de los Judios a Espanya. Empesando de esta data, la kultura, istoria i identidad judia de Espanya empeso a reanimarse.
En los diez anyos dalkavo, la kuriozita de los Sefaradis en el mundo entero sovre sus kultura i istoria reanimo el turizmo en Espanya. Los turistos no se estan artando solo kon lo ke ven, eyos keren ambezarsen mas muncho. En la sivdad Avila, serka Madrid, una Sinagoga medival fue restorada i transformada en un otel luksiozo kon el nombre Hospederia la Sinagoga. Este otel esta reflektando el motif de las kazas viejas de los judios.
Los judios de Espanya de oy, estan kritikando la ekskursion ‘Los Kaminos Sefaradis’. Esta eskskursion organizada por ver los karteles viejos de los Sefaradis, esta fokusando los turistos a ver solo el ‘Judio arkeolojiko’, eyos no se estan enteresando kon la mueva komunidad judia de Espanya.
Los Espanyoles se estan sintiendo kulpavlos de sus istoria kon los judios. Eyos estan organizando ekskursiones a los karteles viejos, estan restorando Sinagogas, simeteios,kazas sefaradis i estan formando sentros turistikos en estos karteles viejos. Es verdad ke los Espanyoles estan profitando de estas ekskursiones ma eyos keren tambien ambezarsen i reflektar la istoria ke fue guadrada por sienes de anyos.
En este pais ke los judios no eran permetides de pratikar sus relijiones, oy, todos estan oyendo la ‘Radio Sefarad’, estan meldando magazinas judias i estan suivandoel show ‘Shalom’ en la televizion.
Ma estos progresos no estan abastando. Las organizasiones luhando kon el antisemitizmo en el mundo entero, estan pensando ke Espanya es el pais el mas antisemito de Evropa. La Klisiya Katolika no esta permetiendo de avrir los dokumentos de las proprietades tomadas de las manos de los judios kuando fueron ekspulzados de Espanya.
Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008