gozlemkitap
RSS
Yayın Haftaları X
La İnogurasion de las Jornadas de la Kultura Sefaradi
Klara PERAHYAEl kolokyo nombrado “La Jornadas de la Kultura Sefardi” ke tuvo lugar del 29 la manyana asta el 30 Avril medyo dia, en el Instituto Cervantes de Estambul, fue una reunyon kosmopolita, kompuesta de partisipantes de diferente lugares del mundo, de la Peninsula Iberika byen entendido komo de Israel, lngletyerra, Turkia i Almanya.

Dora NİYEGO

Noche de Alhad, el 29 de Avril, los amorozos del Djudeo-Espanyol, asistimos a la inogurasion de las Jornadas de la Kultura Sefaradi en la Universitad Bilgi en Estambol.
La nochada empeso kon la prezentasion de Flory Jagoda, (una kantante etranjera de Djudeo-Espanyol), por Karen Gershon Shalhon, la Direktrisa del Sentro Sefaradi en Estambol. Antes del Konsierto de Flory Jagoda i sus amigos, Karen invito a la shena,el Granrabino i el Prezidente de los Djudios de Turkiya.
El primer interlokutor de la noche fue el Granrabino Izak Haleva. El grandrabino mos dirijo la palavra en la lingua de muestros entesesores: ‘Keridos Amigos, oy es uno de los mas importantes diyas de mi vida. Siempre tuve la ambision de organizar un diya de la Kultura Sefaradi en muestra sivdad. Kero felisitar todos los ke organizaron este Sempozium i oguro ke este Sempozium tenga otros ermanikos en el futuro. Regrasio los partisipantes akademikos i los investigatores de esta lingua. No so investigator ma i yo, komo todos los Sefaradis, me engrandesi en la kuna del Sefaradi, kon la lingua, las kantikas i las dichas ke mos ambezimos de muestras madres. Tengo tambien una amistad i una admirasion por esta lingua porke fue la lingua de los livros de muestra ley. Esta kultura no kale ke kayga al olvido. Grasias a los investigatores i a los amorozos de este kampo, tenemos esperansa por el futuro del Djudeo-Espanyol. Muestro buto es de transferar esta kultura a las futuras jenerasiones’.
El sigundo interlokutor Silvio Ovadya, tambien se adreso a los oyentes en djudeo-espanyol: ‘Esta noche estomos aki para ogurar las Jornadas de la Kultura Sefaradi. Tenemos aki dos personas muy importantes: el direktor de Cervantes, Pablo Asuguero i la direktrisa del Sentro Sefaradi, Karen Gershon Shalhon. Sinyor Asuguero mos ayudo muncho para konservar esta lingua. El mos dyo la okazion de dar korsor de djudeo-espanyol en el Instituto Cervantes. Tenemos en muestra sivdad munchas personas ke lavoran por esta kultura. Regresio muncho  los partisipantes akademikos i a la Universitad Bilgi ke mos dyo sus salones para  organizar esta nochada. Muestra sivdad va kontinuar a azer su posivle por el Sefaradi’.
El treser interlokutor de la nochada fue el direktor de Cervantes, Pablo Asuguero. Asuguero mos disho ke el tiene munchos amigos en la komunidad djudia i ke konosyo munchos akademikos en los sempoziumes Sefaradi: ‘Kuando estava estudiando en la Universitad, en las lesones de linguistiko, analizimos la pajina de Ladino de la gazeta Shalom, i ansina empeso mi intereso por el Ladino’. Asuguero eskapo su palavra en dizyendo ke mos esta asperando a todos al Sempozium de la Presia organizado en el Instituto Cervantes.
El programa de la nochada kontinuo kon el konsertio de Flory Jagoda kon Susan Gaeta i Ramon Tasat. Los tres kantantes mos izieron bivir una nochada manyifika de nostaljia. Las kantikas nostaljikas ke mos kantaron mos yevo a las memorias ermozas de muestra chikes:’Muestra Madre Espanya, La Reyna i su esklavo Anderlotto, Kantikas de Amor, Kantikas de Boda, la Kresyon ( ke es una kantika tradisyonal de una estorya de la Bibla), Kantikas de Purim, Rekordos de la Nona, Rekordos de las Tiyas, i mas otras kantikas ermozas mos izyeron bivir un esguenyo nostaljiko.
A la fin del konsierto, ‘Las Estreyikas de Estambol’ kon la administrasion de Izzet Bana, endjuntos kon los kantantes, mos kantaron tres kantikas ermozas.
A la fin del konsierto, el salon entero se alevanto empies i kantimos la kantika ‘Adio Kerida, No kero la vida, Me la amargates tu’.
Dezeyamos ke noches semejantes seygan repetadas en el futuro.

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008