gozlemkitap
RSS
Yayın Haftaları X
La ventana de vuestra ermana
David ANGEL / Tel-AvivLa Assosiasyon de Judyos de Turkiya en Israel organizo al 16 de Yulyo en el lokal "Erol Akmen" en Tel Aviv una reunyon de los Kuzgucuklus ke biven en Israel.
Seli GAON

Keridos Lektores,
Kuando vyene la primavera, i ke el invyerno ya se termino; la natura empesa a envedreserse, el sol kayenta, se oye kantar los paºaros, i todo el panorama de la vida es optimista.
Las yervas se engrandesen, las flores enfloresen en los kampos, los dias se alargan i las personas se syenten mas orozos de todo modo de akontesimyento porke el enverano es una sezon ke plaze a todos.
Munchos de mozotros se van a las islas, munchos viyajan  i los ke se kedan en la sivdad, se van a la mar, todo el tyempo pasa  afuera en las kayes. Las personas tyenen una umor alegre. La manera de mirar a la vida de las personas en enverano es diferente del invyerno.
La semana ultima izimos un viaje muy enteresante a la rejyon Karadeniz kon mi marido i amigos entimos, i kaminimos las sivdades i los platos (yayla), las valles (vadi) en lugares diferentes.
Veramente; estamos bivyendo en un pais maraviyoso yeno de ermozuras naturales, ma no savemos la  valor de esta rikeza.
El primer dia  mos fuimos a Trabzon, onde un giador (rehber) mos arisivyo i mos suvimos a un midibus de 15 personas. El giador, mansevo de 26 anyos, savido, estudyado, aklarado i la avla muy dulse.
Tomimos kamino de tres oras para ayegar al monasteryo de Sümela; ke tyene una emportansa en la istorya, porke; lo konstruisaron en los anyos 1200 este monasteryo entre las montanyas. En este kamino ke sureyo tres oras; vimos munchos arvoles, vedruras, bosques (orman) i entre estas vedruras las kaskadas (ºelale) ke estavan koryendo de milles de metros fin abacho.
Kuando arivimos, mos fuimos de un kaminiko (patika) muy estrecho i suvimos eskaleras para vinir al monasteryo. El giador mos konto la sinyifikasyon de los freskes enriva la pared. La forma arkitektural de este edificio estava muy fabulosa. En todo modo de lugar aviya fuentes de ande estava koryendo una agua pura, savroza i yelada.
Despues de komer tomimos kamino para iyir a Rize otras tres oras, a un otel konstruisado  de tavla muy rustiko; ke paresiya a una kaza de montanya.
Bolados de kanserya mos echimos i durmimos en un aver limpyo d’el plato Ayder; muy konosido de todo el mundo. Munchos turistos; israelyanos, rusos, almanes,espanyoles i turkos. El otel se topava en una cuesta, en una altura entornado de arvoles muy altos endereçados komo un rango; estavamos entre las nuves, i la bruma fuerte.
Komo de maraviya del Dyo de ver tanto tonalidad de la kolor vedre!...
El sigundo dia demanyanika temprano; mos aparejimos por iyir verso la montanya.  Despues de una ora kon el midibus; pasando de un kamino estrecho i perikolozo; arrivimos al plato de  Kavrun a 1700 metros de altura.
Empesimos a kaminar verso la montanya i a la fin de 4 oras arrivimos a 3000 metros. Es difisil de dar detalyos de este viaje; porke la persona no se puede imajinar, este panorama ekstraordinaryo, kale no verlo solamente ma bivir esta eksperiensa. Kada medya ora arepozandomes 5ᆞ puntos para topar fuersa de kontinuar.
Milles de plantas, de piedras, de flores i insektos; arivimos ariva avlando i travando fotografias para ver un lago de krater maraviyozo. Un poko mas atras 2Dž lagos diferentes ande entro el giador a 5  grado de kayentura de agua, i se salyo immediatemente antes de entezarse. Mozotros ni puedimos meter los pyezes.
Mos repozimos medya ora en komyendo i mos alevantimos para el kamino de la torna ke sureyo djusto dos oras.
El puevlo de Rize; es muy aklarado, muy ospitalyero, i a kada punto ke ven turistos les ofren çay para bever i una dulsurya spesyal de la rejyon.
Komyendo i bevyendo empeso una luvya, las nuves abacharon i la bruma estava tanto fuerte ke no se puediya ver medyo metro de distensya. A la torna al otel, kantimos i pasimos el tyempo a konosermos unos kon los otros. Estavamos muy kontentes, de la unyon entre 15 personas deskonosidas, i la kayentor entre el giador i mozotros fue una grande ºans.
Kuando ay un akordo en un grupo; se toma plazer de las ermozuras; i de todo modo de kozas ke mos ofre el Kriyador.
a kontinuar...

 

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008