gozlemkitap
RSS
Yayın Haftaları X
Un syerto trokamyento en la opinyon internasyonal ma syempre una chika nota amarga
Sara YANAROCAKYahudi Takvimi`nin en keder verici tarihi, Av ayının dokuzuncu günü olan Teşa Be Av günüdür. Aynı tarihte Yahudiler`in en kutsal mabetleri olan 1. ve 2. Bet ha Mikdaş birkaç yüzyıl arayla bu tarihte yıkılmıştır. Teşa be Av`la ilgili olarak Yahudiler arasında birçok söylence çıkmış, aynı tarihte Yahudilerin başına b

Klara PERAHYA

Se syente  un chiko trokamyento en la  interpretasyon del konflikto ‹sraelo/arabo en la opinyon evropea i espesyalmente  Franseza asta agora fokalizada esensyalmente sovre el solo destino Palestinyano... Un chiko ablandamyento pozitivo en favor de Israel,  komo un esforso de no arrestarse unikamente a lo ke es vizivle  ma de bushkar las kavzas verdaderas ke motivan el ovligo de kumplir syertos aktos.
Salvo los irreduktivles reelmente negativos, los kualos debasho palavras pompozas de umanizmo topan desde anyos un plazer malinyo a kritikar sistematikamente la politika de Israel, se ve en este momento komo un empesijo de komprensyon en la prensa en jeneral... una analiz mas objektiva i manko parsyal de la situasyon, en un byervo una kritika mas ekilibrada.
Kual ke sea  el grado de simpatia o de antipatia ke el syente enverso un payis o un puevlo, un djornalisto tyene antes de todo el dever de ser objektivo i sinsero  en su djuzgamyento
La muerte de kriaturas  es por seguro una trajedia a lakuala todos de lesho o de serka partisipamos... las madres Judia eyas mizmas munchas vezes feridas en sus karnes komo en sus sentimyentos maternales yoran, todo komo lo azen las madres Kristianas i Muzulmanas a la muerte de kuakyer ninyo de kual payis ke sea, esto es inkontestavle ..
Ma antes de kondenar, kale en primero bushkar a konoser la realidad verdadera, kompleta, entera, sin omisyon voluntarya o involuntarya de tal o tal detalyo...
Desde unos kuantos dias, meldamos i oyimos  en la prensa eskrita i  televizada, la mizma interpretasyon, i tambyen en la boka de munchos ombres de estado Evropeos, el mizmo leit-motivo “Repuesta desmezurada, disproporsyonada  de la parte de Israel al Esbollah”:
Es ke antes de pronunsyar este djuzgamyento, eyos reelmente estudyaron al fondo el konteksto ande los evenementos se desrolyaron? Un akto no es solo el djesto ke se aze a tal o tal momento, ma munchas vezes el produkto i rezultado de todo lo ke lo provoko.
A este sujeto vos kero dar la traduksyon de  fragmentos de dos artikolos ke paresyeron en dos grandes ebdomadaryos Fransezes “Le Point” i “Le Nouvel Observateur”, eskritos por dos pensadores de una  imparsyalidad insospechavle, dos grandes partizanos i luchadores por el establesimyento de un Estado Palestinyano, aunke eyos mizmos de orijen  Judiya
Fragmentos del artikolo de Bernard Henry Levy en la revista LE PO‹NT.
<Un byervo ke revyene de una manera estranya en los komentaryos  Evropeos sovre la repuesta Iseraelyana a la deklarasyon de gerra del Hesbollah es “disproporsyon”.
Kero demandar a los ke dizen esto “ke puedria ser sus reaksyones si komandos de terroristos venian sovre sus territoryo para arrevatar soldados en funksyon i si sivdades de sus propyo payis se topavan debasho de una luvya de “katiouchas” azyendo ansi numerozas viktimas?
Les kero tambyen demandar kualo seria una repuesta proporsyonada  kuando estas atakas son inspiradas i komanditadas por un payis delkual el prezidente deklara avyertamente su determinasyon de varar de la karta jeografika el Estado Ebraiko? >
Etc...etc....
Fragmentos del artikolo de Jean Daniel, ko-Fundador i kapo redaktor del NOUVEL OBSERVATEUR,konosido por su abitual severidad enverso la politika Israelyana.
<A la sigida del akordo negosyasyodo entre el prezidente de la Autoridad Palestinyana i el Primer ministro Ismael Haniyeh, akordo ke emplika mas o menos la rekonosensya de ka egzistensya  de Israel, una fraksyon radikal del Hamas deklaro ke eya se opoza al primer ministro. Estos fanatikos  (todo en savyendo ke ivan a provokar una grande reaksyon de la parte de Israel) tomaron la desizyon de kavakar un tunel por el kual entraron en Israel, mataron syertos soldados i arrevataron uno de entre eyos...lo ke rendyo todo modo de akordo imposivle.
Unos kuantos dias mas tadre las fuersas del Hezbollah en Lebano desidyeron a sus torno (sin  aver sido agresadas) de atakar Israel kon muevas roketas de mas de 50 kilometros de tiro, las kualas ayegaron asta Haifa.. .Estas fuersas tambyen ya savian lo ke ivan a provokar... Dunke, la fortaleza  de la riposta Israelyana ke kon razon puede pareser disproporsyonada, no pudo sorprender ni el Hamas ni el Hezbollah, eyos fueron los ke kijeron la destruksyon de sus propyos payizes.
Kontraryamente a los Amerikanos, los Evropeos fueron a un syerto momento konvensidos  de la posivle konversyon del partido Hamas i ke se puedia tambyen negosyar kon el Hezbollah ma ( komo lo disho una djornalista en la televizyon Jordanyana) “basta de ser radikalmente anti-Amerikano i anti-Israelyano para devenir un eroe en todas las sivdades arabas.
Yo personalmente no avia aprobado la estratejia de la riposta Israelyana en Gaza, porke el intereso de los Palestinyanos komo de los Israelyanos es de negosyar. Por kontra entyendo las primeras reaksyones kontra las agresyones del Hezbollah, reaksyones ke son un akto de oto defensa tanto ke no devyenen una estratejia de opresyon i de invazyon del Lebano.>

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008