gozlemkitap
RSS
Yayın Haftaları X
Moabet sovre el tyempo i vakansas
Ansi ke es syempre el uzo en la Matan-Baseter/Barın-Yurt, Alhad demanyana el 19 del mez de Junyo, la fin del mandato de Şeli Gaon i la transmisyon del poder prezidensyal a Viktor Koen Üçer fueron selebrados en una atmosfera de amistad i alegria.

Coya DELEVİ

Keridos lektores, oy vamos azer un poko de moabet. Reelmente, esto ezitante sovre el sujeto de mi artikolo, no se kualo eskrivir. Me esta paresyendo ke lo mas fasil, va ser avlar del tyempo, egzaktamente komo dizimos en Turko " havadan sudan!"...
Oy, el kalendaryo esta mostrando el 15 de Junio. Un mez ke aze evokar naturalmente el enverano i las vakansas. Asigun el kalendaryo, el enverano ya esta en muestra puerta, ma el aver lo esta kontradizyendo!...Ya es verdad ke fin de Mayo, tuvimos diyas muy kayentes. Mos izyeron afilu, reselar las kalores futuras de Julyo i de Agosto.
Asigun la meteorolojiya, despues de unos, kuantos diyas, ya vamos ampesar a kayentarmos! de muevo...Por el momento tornaremos al 15 Junio. El tyempo i el klima no estan asemesjando a el aver de enverano. Puedo afirmar, sin egzajerar, ke fin antes unos kuantos diyas, en syertas moradas remarki asender los kaloriferes. De vez en kuando, no syendo kompletamente siguros del aver, estamos salyendo a la kaye, kon djaketas o blazeres. Ay una kontradiksyon kaji komika. Unos, mas korajozos!, kon tee-shirtes, o kamizikas delgadas, i otros komo lo dishe, kon vestimyentas godras. El sielo grizo se izo abitual. El sol, detras delas nuves, de vez en kuando, esta amostrando su kara, timidamente... Ma, esto sigura ke esto es pasajero.
Devemos achetar ke tomar vakansas es un menester ke remonta el moral, en syertos kavzos. Para munchos, Junio, es la emosyon de vakansas tan dezeadas, asperadas kon despasensya, despues de largos mezes de invyerno i lavoro. Por siguro, unos ya aparejeron un plano para pueder profitar el maksimum de estos diyas limitados. Una amiga  miya, se estava keshando ayer, kon estos byervos: "Ay doz semanas ke mos estamos dechidando de ir pasar unas, doz noches en un lugar serka Estambol. Bueno, kreeme o no, del reselo de luvya i yelado, asigun las prediksyones de la meteo, no mos fuimos!" Kualo ke diga? Tyene razon!
Par kontra, en el Sud, ya se esta bivyendo el enverano yeno, yeno. Por siguro ke las vakansas son importantes. Se aze planos, en munchas famiyas, se aspera la serradura de las eskolas. I, alora, en jeneral, las datas ke se programan las vakansas, koensidan egzaktamente kon los presyos ke alkansan al maksimum!... De este punto de vista, las famiyas no tenyendo problema semejante, preferan profitar de esta sezon. Los presyos son relativamente abordavles. Es lo mizmo fin de enverano, los diyas de alkavo del 9. mez, por egzempyo. Esto lo ize munchas vezes. Son sezones konsideradas komo "muertas" en el turizmo. Los presyos son mas o menos konvenivles. Ay tambyen el avantaj de pasar diyas mas kalmos.
Keridos lektores, este teksto no es absolutamente keshas de mi parte!... Yo no tengo dingun problema kon el tyempo, ni tambyen, dingun plano por las oras. Espero ke asta ke vaj a meldar este artikolo, el klima se va enderechar i arrezyar. Ma, yo devo konfesar ke es achakes o grasyas al retardo del enverano, ke reushi a azer este teksto. Fue un ermozo moabet, aun ke "monologo!!.
Presto o tadre, las kalores van a vinir, kon otros djeneros de keshas!, solo un poko de pasensya. En asperando, ke dizish de kayentarmos i alegrarmos kon estos versos miyos?... Enveranada alegre...


YO I MI GITARA
Yo tengo alma de " trubador",
Kanto la vida, kanto el amor.
Mis kantes, mis melodiyas,
Son para dar  alegriyas...
No so un poeta nombrado,
No so ni riko, ni kultivado,
So, ni Panchos, ni Paraguayos,
Ma, amo la muzika komo eyos...
Me vesh pasar  mal vestido,
No tengo kaza, no tengo nido,
Yo, mi gitara, doz buen amigos,
Vamos djuntos  por los kaminos.
                                          C.D.

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008