gozlemkitap
RSS
Yayın Haftaları X
İsrael es rekonosyente a los ke salvaron los djudyos del Holokosto
Reneta Sibel YOLAKDr. Mitzva dışarıda bahçesinde çalışıyordu. Gül çalılıklarını yolmuş, bütün tohumları temizlemiş ve derin bir çukur kazmakla meşgulken telefonu çaldı.

Dora NİYEGO

Este kuento es tomado de ‘New York Today’, de un reportaje echo kon una famiya ke fuyo de Kosova i vino enstalarse en  New York.
Ay mas de medyo siglo de esto, en la sivdad Meinfung, en la frontera entre la Alemania i la Yugoslavia, se  paso un diya, una koza terrivle: ruido de pyezes de soldados, gritos i yorros de personas fuyendo, soldados Alemanes ke entravan en kazas djudiyas i forsavan  sus moradores  a suvirsen en vehikulos militarios.. En unas kuantas oras, la ermoza sivdad se transformo en un inferno grizo.
Abraham Wirtsovst, el,  vistyo presto sus ijos "Mishon" i "Amy" el uno  de dodje  el otro de kuatro anyos, les dyo en la mano unas kuantas kozas para komer i les disho de fuyirsen de este inferno. "Kamina solo la noche, andavos de la parte del sud-este, no avlej kon dingunos, no digaj a dingunos ke soj djudyos, eskondevos bueno! Kuando la gerra se va eskapar, yo me vos va a bushkar."
Las kriaturas se espartyeron de sus paryentes i desparesyeron en la oskuridad de la noche.
Abraham alimpyando sus lagrimas empeso a rogar al Dyo ke tome kargo de eyos. Unas kuantas oras duspues, el i su mujer fueron deportados de sus kaza i  fusilidados en un kampo.
Mishon i Amy kaminaron tres diyas sin saver ande se estavan indo. A la fin del treser diya, las kriyaturas se desmayaron de  kanserya i de  ambre .
Al  treser diya, un  vyejo payizano ke estava pasando por aya, los topo aryento del lodo i los yevo a su kaza. Unos kuantos diyas duspues, los ijikos  revinyeron en si, ma no  kitaron ni un byervo de la boka . Ken eran estos ijikos? De ande venian? En la bolsa ke teniyan  al lado de eyos, el payizano topo una fotografia de famiya, una letra i un poko de moneda.
El vyejo les disho entonses de no espantarsen porke se topavan en un kazal muzulmano i dinguno  los puedia topar. El  les prometyo tambyen de embiyarlos a sus padre i madre kuando la gerra  eskapara. Ma, komo los Almanes estavan kontinuando a  espandirsen, la djente del kazal  tomaron la desizyon de abandonar sus kazas.
Kuando la gerra  eskapo, el payizano  desido de bushkar los paryentes de las kreaturas ma malorozamente no pudo topar dingun dokumento amostrando ke eyos estavan en vida.
A la fin, el  se adreso al muevo estado establesado por los djuyos de todas las partes del mundo, al Estado de Israel, i entrego las dos kreaturas  a los  enkargados ke vinyeron de Israel para tomarlos.
Un mes no paso ke el payizano resivyo una letra del Estado de Israel, dizyendo ke kuando el tenera  menester, el se puedra adresarse al konsolato de Israel porke estan pronto a ayudarlo.
El vyejo se glorifiko muncho kuando resivyo esta letra i lo konto a todos sus amigos, dizyendo: "El grande Estado de Israel me mando una letra de rengrasyamento". I kuando el vyejo  muryo, su ijo Elvir tomo esta letra i la guadro.
Vente i sinko anyos pasaron. Un diya, Elvir (el ijo del vyejo payizano)  yevo su propya ija ke estava muy hazina a un ospital de Belgrad. El doktor le disho ke su ija puedia salvar si se operava del meoyo ma solo dos doktores en los Estados Unidos puedian reushir  esta operasyon. Elvir oyendo avlar el doktor, kon lagrimas en los ojos, se konsintyo sin remedyo porke no teniya bastante paras para esta operasyon. A la fin, el se desido de vender su kaza  para salvar  su ija, ma kuando avyo el almaryo para bushkar el tapu de su kaza, el topo el dokumento ke su padre aviya resivido de Israel. Alora, el se akodro de los biervos de su padre:"El grande Estado de Israel me esta rengrasyando". "Puede ser ke puedo vender este dokumento" penso el desmazalado padre.
Al diya sigyente, el  se fue ande un antikuaryo i le amostro el dokumento. El antikuaryo embiyo immedyatamente un faks al Estado de Israel para asigurarse ke este papel es real. Una ora duspues resivyeron un golpe de telefon del konsolato de Israel dizyendo ke keren ver el posesor de este papel.
Elvir  penso ke no tyene nada de pyedrer i se desido a irse al Konsolato de Israel. En el Konsolato le demandaron unas kuantas kestyones i le disheron de asperar en su kaza por la repuesta.
Una semana duspues, un enkargado del Konsolato sono a la puerta  dizyendo ke los iva yevarlos a los Etados Unidos. "El dokumante de tu padre es muy presyozo"le disho el  funksyonaryo, "solo  unos kuantos fueron embiyados a  personas ke salvaron la vida de  djudyos. El Estado de Israel prometyo a vuestro padre de ayudarlo en kavzo de menester. Israel va kumplir su promesa i vos va ayudar para esta operasyon. Este dokumento va estar en muestra posesyon,  lo vamoz a yevar para ser aparado en un museo."
Edvir i su mujer fueron muy sorprendidos, no konosyendo egzaktamente  la valor del dokumento. Unos kuantos diyas duspues, la ija de Elvir fue operada en los Etados Unidos. La operasyon fue reushida i duspues ke tornaron atras, resivyeron una envitasyon para una selebrasyon en el Konsolato de Israel.
Akel diya Amy i Mishon asistyeron a esta selebrasyon kon sus famiyas. Los dos ermanos se emosyonaron muncho kuando konosyeron la famiya de sus salvador. Amy les disho kon lagrimas en los ojos: "Devemos muestra vida a tu padre".
Oy Amy esta bivyendo en New York kon su mujer i sus dos ijas. Amy es uno de los mas selebros abogados de New York. Mishon tambien es kazado, tyene dos ijos, i es el direktor jeneral de una banka en New York.
Vinyendo a la ija de Elvir, eya esta estudyando medikeria en una universita en New York i bive kon la famiya de Amy, el kual endjunto kon Mishon  se enkargaron de los gastes de sus  estudyos.
Un syerto tyempo duspues, Elvir i su mujer tomaron la desizyon de servirsen de sus pasaportos israelyanos para fuyir  la krueldad de los Serbos i se instalaron en New York en una kaza serka de Amy.
Akel diya en salvando a las dos kreaturas, el vyejo kazalino no puediya saver ke estava salvando no solo dos ijikos desmamparados  ma tambyen munchas otras almas.

 

Facebook'ta Paylaş
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008