gozlemkitap
RSS
Yayın Haftaları X
El anyo 2012 ke mos trayga a todos la esperansa, la alegriya i la pas
El anyo 2012 ke mos trayga a todos la esperansa, la alegriya i la pas

Un  anyo muevo es un presipyo ke kontyene todo modo de evenementos, mos da la kuryozitad, i la emosyon. Kada anyada mueva traye kon eya; muevas esperansas, muevos atakos (atılım), muevas deskuvyertas (buluş), muevas reushitades i muevos adelantamyentos en todo modo de espasyo.

Kualo esperamos de la anyada 2012?

Lo mas emportante es la estabilitad (istikrar) en el pais.

Tenemos en el doredor; konosidos, amigos, keridos, hazinos, personas ke estan luchando para bivir, personas de muestro entorno, mansevos ke se estan muryendo. Esto todo mos esta trayendo el pesimismo, i estamos peryendo el guste, la gana de bivir.

Ser pesimisto amingua la motivasyon de la persona.

Mozotros devemos de ser realistos i pozitivos para pueder kontinuar muestra vida.

Personalmente penso ke; devemos de konservar muestras esperansas para pueder luchar kon las problemas.

Ma, no kale desharmos, demoralizarmos, kale ke estemos muy fuertes  para pueder rezistir a las difikultades. Porke la vida es una lucha (mücadele) kontinualamente, sin tomar reflo.

La persona es apta a ansyearse (kaygılanmak) por kualker koza. Mos estamos ansyeando; por el avenir de muestra famiya, ijos, ijas, padres, madres, el entorno, muestros keridos, amigos, alliados (dost)...

En el dor ke estamos bivyendo, la vida esta muy difisil para todos en el mundo entero. El dor troko, la teknolojiya muy avansada mato la valor de muestros kostumbres.

En el estado ke mos topamos, en las kuatro partes del mundo, puedemos pensar ke la anyada 2012 va kontinuar kon todos los puntos negativos; komo la kriza ekonomika por egzempyo, las gerras, los tremblemyentos, los aksidentes, el terorizmo i munchas otras kozas, i nada no va trokar.

Devemos de ser optimistos, illuzyonarse(hayal kurmak),

i pensar ke esta illuzyon va ser verdad, tener esta esperansa, lavorar i luchar es la mijor koza, para pueder liberarmos de este pesimismo.

No kale pedrer esta esperansa mizmo en los momentos los mas difisiles i ariskuros. Porke esperar, es kreyer ke va naser un diya muevo, ermozo despues de todas las amarguras, de todas las penas.

No se puede bivir sin esperar.

Esto ogurando ke el anyo 2012 mos trayga; la sanedad, la reushitad, la alegriya, la unyon, la amistad i la pas entre todos kon la felisitad en muestras famiyas i en el mundo entero.

 “ŞALOM” es el jurnal ke sale una ves a la semana en Estambol, kon sus suplementos “El Amaneser”, las revistas (dergi) “Şalomist” i “ŞALOM Dergi”; suplementos muy enteresantes en el punto de vista del kontenido (içerik), ande lavoran diversos profesyonales kon volontaryos i volontaryas.

“ŞALOM” es una grande famiya, de mansevos, mansevas i de personas de todo modo de edad ke dan un grande apoyo i se arekojen kada semana para kitar este uniko jurnal de los djudyos de la Turkiya, kon muncho devuamyento, lavoro i sakrifisyo.

El 28 Desembre, esta grande famiya se arekojyo en el Bosfor para pasar una nochada todos endjuntos, komer, bever, riyir i risivir el anyo 2012 kon entuzyasmo (coşku).

Fue una nochada muy reushida, siguramente kon el presidente “İvo Molinas” ombre de grande valor ke izo una avla espesyal en remersyando el lavoro i la solidaridad de todos los partisipantes. La koordinatrisa de publikasyon (yayın koordinatörü)

“Virna Gümüşgerdan” kon “Ester Yannier” ke eskrive las novelas interyoras (iç haberler), lavoraron muncho para organizar esta nochada maraviyoza ke tuvo 70 partisipantes. Todos estavan muy intimos i kayentes los unos kon los otros. Los ke no se konosiyan tuvyeron la okazyon de konosersen en diskutyendo en sujetos diferentes.

La loteriya fue un divertimyento para todos.

Virna kon Ester eskojyeron regalos komikos para azer riyir i pasar el tyempo kon alegriya.

Estas okazyones son emportantes para reunisarmos, i ser syempre aunados.

Esto remersyando en primero el presidente kon todos los dirijentes del Şalom, de tener la idea de envitarmos para enrezyar las relasyones entre mozotros.

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008