gozlemkitap
RSS
Yayın Haftaları X
Jacques Chirac kondenado a dos anyos de enkarselamyento en suspensyon
Jacques Chirac kondenado a dos anyos de enkarselamyento en suspensyon
Kual sea el grado de gravidad del motivo de la kondenasyon del prezidente Jacques Chirac, mozotros djudyos no mos olvidaremos muestra devda de gratitud enverso el.

Por la primera ves en la historya de la Sinkena Republika Franseza, un ansyano prezidente fue djuzgado i kondenado a 2 anyos de enkarselamyento, sean mizmo en suspenso.

Se trata de una kulpa de “empyegos fiktivos” kreados de una manera illisita (no entendi klaramente la razon) ke data de la epoka ande el prezidente Chirac era governador de la sivdad de Paris, dunke vyeja de 20 anyos…

En su kualidad de shefe de la administrasyon de esta prestijyoza sivdad, el tuvo la grandor de asumir solo la resposabilidad de la kulpa en su totalidad, afin de liberar sus kolavoradores de kualkyer kulpabilizasyon.

İ oy, despues un largo tyempo konsakrado a servir su payis i su puevlo, a la edad de 78 anyos, en un estado de salud bastante grave, el se topa moralmente desgradado i konsiderado kaji komo un vulgar kulpante.

Koza puede ser estranya ma real, una grande parte de la populasyon franseza konservo (oy en dia mizmo, malgrado esta kondenasyon) su respekto i su inmensa kerensya enverso su vyejo prezidente. El fue de todo tyempo muy serka de su puevlo, serka del briyante sivdadino rafinado i muy kultivado, komo tambyen del simple kazalino de lo ke los fransezes yaman “la Fransya profunda” (la Fransya rural, kazalina), el nunka refuzo de vijitar las feryas agrikolas, de bever kon el ombre del puevlo un vaziko de vino i de gostar a la varyedad de los afamados kezos fransezes.

I, mozotros Djudyos tenemos enverso el una inmensa devda de gratitud i de apresyasyon, por aver sido el primer i el solo Prezidente de Fransya a aver (de su propya inisyativa) deklarado i akseptado publikamente, la enorme kulpa del Governo Fransez de Vishy debasho la prezidensya del Mareshal Petain, en los anyos oskuros de la segunda gerra mundyal, kuando los grandes funksyonaryos fransezes se apresuravan a entregar el maksimum posivle de djudyos a las fuersas almanas de okupasyon.

Kon esta akseptasyon publika ke por seguro lo azeria muncho sufriir en su dinyidad de Prezidente de Fransya, el realso su payis i mos dyo a mozotros desendyentes de Yuda, en ke payis del mundo ke mos topemos, la kayentor de un djesto de komprensyon humana.

No mos olvidaremos ke el Prezidente Mitterand partisipo un tyempo, al empesijo de su formasyon, al lavoro del governo de Vishy, i lo ke es mas grave, konservo despues la fin de la gerra su kontakto amigavle kon algunos de los altos funksyonaryos de la maldicha epoka.

Es ke la Djustisya Franseza aktual izo bueno de kondenar Jacques Chirac este grande ombre de 78 anyos ke se topa en un estado de salud mas ke prekaryo?

Si, absolutamente Si. Las leyes de la verdadera Demokrasia egzijen una igualidad absoluta de todos los individuos, ken ke sean, delantre la Djustisya. Una kulpa fue perpetrada, eya devia ser kastigada de ke manera ke fuera, fizikamente o moralmente.

Esto dicho, la Historya, en el futuro, se kargara de desidir el lugar ke sera rezervado a este prezidente ke dyo a su puevlo la kayentor de su kudyo i de su proksimidad kon el, un ombre ke puede ser kometyo una kulpa, ma realso de otra parte su payis, grasyas a su kultura i su humanizmo.

Facebook'ta Paylaş
Yazar Klara PERAHYA
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008