gozlemkitap
RSS
Yayın Haftaları X
Una persona de grande valor de muestra komunitad mos desho la buena vida
Una persona de grande valor de muestra komunitad mos desho la buena vida

“ROBERT SEZER” ke tu alma repoze en ganeden.

Oy kero komemorar, un ombre presyozo, umano (insancıl), progresisto (ilerici), apiadoso (merhametli),  ke era el monumento de la modestiya, djustisya i de la realitad.

Lo konosi antes 13 anyos kuando fue el Presidente de la Matan-Baseter Barınyurt; i yo fui su sekreterya. Dos anyos lavorimos endjuntos kon un grupo de volontaryos en el tyempo de la reorganizasyon de Barınyurt en 1998.

Matan Baseter – Barınyurt; es una organizasyon ke tyene una misyon muy emportante en la komunitad; seyga tomando debasho de sus alas el kargo de sus 70 pansyonaryos, seyga protejando las 200 famiyas de la Matan Baseter kon todos sus menesteres.

“Robert SEZER” lavoro muncho i reusho a trokar munchas kozas en Barınyurt; kon su entelijensya, koraje i djusteza.

No troko nunka su personalitad, adjusto (katmak) al den frente munchas valores para pueder reushir en su misyon. Lavoro de alma i de korason kon su personalitad dechidido (azimli), kon su vizyon fruktuoza (verimli), kon su enerjiya i kon su inisyativa para pueder krear kozas muevas en todos los puntos de vista.

El avlava poko ma propyo (az ve öz), korekto (dürüst) gerreava de una manera onesta kon los dezakordos (anlaşmazlık), para enalteser el nivel de la organizasyon ande lavorava.

Teniya grande konfiensa en si mizmo (kendine güven) i kon su buen korason i sus desizyones emportantes i korajozas;  arreglo Barınyurt i izo konoser esta assosyasyon a la komunitad entera.

“Robert Sezer”; saviya kargar (yüklemek) la responsabilitad al den frente, i lo deshava independente para reushir.

El ambezo a su grupo de volontaryos; ke para puder reushir kale lavorar muy muncho, porke la kapachitad de la persona es muy grande.

Ayudava al den frente sin ofender su orgolyo (gururunu incitmeden).

Lavorimos kon el endjuntos kon una grande armonia; porke era franko (açık sözlü), i diziya lo ke pensava. Muy atado a sus prinsipyos (ilke), termino su misyon kon devuamyento (özveri).

Konsumo (sarfetmek) muncho esforso komo volontaryo en todo modo de organizasyon de la komunitad.

Era un aliado (dost) kerido para mi, ke me dyo la motivasyon de terminar la universita antes dyes anyos.

Poeto, eskrivano toda su vida meldo, eskrivyo i estudyo para desveloparse el mizmo.

Robert Sezer dava una grande emportansa al desvelopamyento personal i diziya ke “kada umano deve de depasarse (kendini aşmak) en todo modo de koza en la vida”.

Buen merkader, buen marido, buen padre muy atado a su famiya.

Esto muy triste de peryer a este amigo.

Ke su alma repoze en gan-eden.

Pasensya a su mujer, a su kerida famiya, a sus amigos, i a toda la komunitad. 

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008