gozlemkitap
RSS
Yayın Haftaları X
La ventana de vuestra ermana el konserto del “Dostluk” fue un sonyo

“Dostluk Yurdu” es una organizasyon ke se okupa de los mansevos, aze spektaklos reushidos, los teatros de las mujeres i munchas otras kozas en el punto de vista del arte.

Los dirijentes desidaron este anyo de krear un konserto de senfoniya de 60 personas un procekto muy grande; de la muzika Sefarad i kantes divinas de Sinagogas (Sinagog İlahileri), de “Andalusia a Anatoliya” (Endülüsten Anadoluya) para pueder darmos los egzempios de las influensas (etki) de las kulturas.

Somos una komunitad de 520 anyos en la Turkiya. Dostluk kijo realizar una aktivitad de muzika para pueder akodrarmos de lo vyejo i komparar kon la muzikas diferentes de oy i para pueder apatronarmos de muestra erensya de kultura (kültür mirası).

El produktor de este procekto; “İzi MORHAYİM” ke se okupa de la musika en el Dostluk; es una persona sezuda (aklı-selim), muy laboryozo i perseverente (sebatkar). Teniya un sonyo (rüya) de pueder  realizar un konserto senfonik asemejante de unos kuantos anyos para aki.  El es un ombre entelijente, onesto, tyene un korason riko, byenfetor, da konfiensa al den frente, modesto (mütevazi), avla poko ma propyo (az ve öz), persona djusta  ke todos lo keren byen.

El Dostluk se apatrono (sahip çıkmak) de esta idea i empesaron a lavorar. Los volontaryos de esta asosyasyon tyenen una amistad, una solidaritad  entre eyos i por esta kavza reushen en munchos espasyos.

Antes dos semanas asistimos al konserto en un salon grande de 1000 personas.

Ke konserto grandiozo!...

Los ke no asistyeron peryeron.

El Tenor konosido en el mundo entero “Hakan Aysev”, los myembros de “Los Paşaros Sefaradis” Karen Gerşon Şarhon i Yavuz Hubeş, Yako Taragano i el koro de 20 personas, kon los sesenta myembros de esta orkestra mos izyeron akodrar las kantikas en Ladino de antes munchos anyos kon sus bozes de seda se puede dizir.

En la primera partida la prezantasyon i el komentaryo de Karen Gerşon al tenor Hakan Aysev antes de kantar “Los Bilbilikos”; en yamandolo:

“El Bilbil” fue muy reushida i sempatika.

El violonisto el mas aedado komo edad ma su alma (ruh) syempre mansevo (genç) en la orkestra  era “Viktor Albukrek”, ke veramente aziya plazer de verlo tanto atantivo. El tenor kon su boz maraviyoza izo una interpretasyon (yorum) ekstraordinarya de la Musika Sefarad.

Los espektatores sintyeron fina la fin sin tomar reflo (nefes) i los aplodisaron en pyes tanto estava ermozo.

A la fin de esta aktivitad; el Grande Rabino: Rav. İsak Haleva izo una avla en felisitando el presidente del Dostluk “İzi Doenyas” kon todos los dirijentes ke tomaron parte en este procekto, ke fue la primera organizasyon en muestra komunitad en este espasyo.

Ma malorosamente el salon de mil personas no estava yeno. Aviya puede ser 500 personas. Es una situasyon triste para los membros de la komunitad.

No tomar parte, no dar koraje a una organizasyon komo esta; mostra el desentereso de las personas.

Enfin, kero felisitar de aryento del korason a todos ke tomaron parte en este procekto inolvidavle.

Kero terminar kon una dicha de “Garcia Marquez”:

Kerido İzi Morhayim:

“No yores porke vinites a una fin, ma riye porke la puidites bivir”.

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008