gozlemkitap
RSS
Yayın Haftaları X
Los Judiyos de Libya i un projekto de testimonio de la komunidad
Los Judiyos de Libya i un projekto de testimonio de la komunidad

La komunidad judiya de Libya tiene sus raizes en el treser siglo (antes kristo). Judios bivieron en Libya en el tiempo de los gregos, romanos, otomanes, italyanos, inglezes, arabos, i ay desendientes de judios ekspulzados de Espanya en el anyo 1492. En el tiempo de los romanos, un judiyo fanatiko, Jonathan Weaver, ankurajo los proves a revoltar. Los romanos lo asasinaron, i mataron munchos proves, i tambien munchos judiyos de la komunidad judiya.

En la okupasion italiana, en el anyo 1911, la situasion del pais siendo buena, los judiyos adelantaron en la edukasion. En akeyos anyos, aviya 21.000 judiyos en el pais, la majorita biviyan en Tripoli. En los anyos dalkavo de 1930’s, leyes fashistas judiyas se empeso a apalikar en el pais, i una opresion terivle empeso kontra los judiyos. En el anyo 1941, la populasion judiya era un kuarto de la populasion de Tripoli, i aviya 44 Sinagogas en la sivdad. En el anyo 1942, los almanes okuparon el kartye judiyo de Bengazi, deportaron mas de 2000 judiyos al dezerto, ande mas de vente por sien de la populasion judiya muryo. En el tiempo de la okupasion britanika, uvo munchos pogromes; el mas terivle fue en 1945, kuando mas de sien judiyos murieron en Tripoli, i en otras sivdades, i sinko Sinagogas fueron destruidas.

En el anyo 1948, un grupo de muevos emigrantes vinieron a Yafa, i bushkaron aya una kamareta por azer las orasiones.  En Yafo, los emigrantes enkontraron un papaz fransez ke los yevo a un binyan abandonado, les disho ke este lugar era Sinagoga anyos antes, i les dio las yaves del lugar. Aryento del binyan, los emigrantes toparon una sala de orasion, i un Mikve. Mas duspues, se ambezaron ke la Komite Administrativa de Konstantinople aviya aparejado este lugar por los primeros pelegrinos de Eretz İsrael. En el dizimuevien siglo, este lugar fue abandonado, i olvidado. Situado en una kaleja estrecha de Yafo, esta Sinagoga restorada, oy esta kontinuando a dar servisio a la komunidad judiya de Libya, i se izo un lugar popular por los kek erer selebrar bodas en la Yafa vieja.

Kon el establisamiento del Estado de İsrael, los judiyos de Libya ke no se estavan sintiendo seguro, se desidaron de emigrar a la medina. Mezmo ke emigrasion era illegal, mas de 3000 judiyos reusheron a fuirsen del pais, i munchos de eyos se fueron a İsrael. Kuando la emigrasion britanika se legalizo en 1949, mas de 30.000 judiyos se fuyeron de Libya.

En 1969, en la revolusion de Kaddafi, aviya kedado 500 judiyos en Libya. Kaddafi metyo mano a todas la propriedades de los judiyos, i anulo todas la devdas a los judiyos. En el anyo 1974, no aviya mas de vente judiyos en el pais. Oy, dizen ke no egziste mas judiyos en Libya.

La majorita de los judiyos de Libya, agora biven en İsrael. Una partida biven en İtalia, Fransia, Angletera, i en los Estados Unidos.

Oy, se esta aparejando un projekto para guadrar la erensya judiya de Libya. Vivienne Roumani-Denn izo mas de venticho entrevistas kon los judiyos de Libya, entre los anyos 1998-1999. Las entrevistas fueron echas en las linguas araba i  italiano, las dos linguas de los judiyos de Libya. Las kopyas de estas entrevistas estan en el Departamento de Historia Oral de la Universidad de Yerushalaim, i en la Biblioteka del Kongreso. Vivienne Roumani-Denn esta remersiando la Asosiasion de la Universidad de Kalifornia, ke le  permetiyo a azer investigasiones para aparejar este projekto.

Vivienne Roumani-Denn, tambien aparejo un filmo: ‘Los Dalkavo Judiyos de Libya’. Este filmo esta reflektando los elementos de la vida kotidiena, portres de personas, tradisionel komidas de la komunidad, objektos relijiozos i rituales, objektos fabrikados por los artizanes judiyos, i dokumantes de judiyos eskritos en arabo.

Facebook'ta Paylaş
Yazar Dora NİYEGO
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008