gozlemkitap
RSS
Yayın Haftaları X
‘Esforso de Komprensyon mutual’ en un mundo en estado de rebuelta
‘Esforso de Komprensyon mutual’ en un mundo en estado de rebuelta

El dialogo ke desde 40 anyos se establesyo entre el katolisizmo i el djudaizmo a la sigida de la eliminasyon de kualkyer formula de antisemitizmo, deve servir de modelo para transformar las relasyones kon el Islam. Rabbi Richard Marker, Grande Rabbino Djudyo Amerikano

Komo por seguro ya lo savesh todos, desde el anyo 1962 el Papa Jean XXIII de bindicha memorya, avia instituido una mueva lektura de los tekstos evanjelikos Kristyanos i se avia esforsado de eliminar kategorikamente de la liturjia Katolika, la denominasyon “puevlo deisito” ansi ke kualkyer otro termo difamante konsernando el Djudaizmo.

De esta manera, empeso a entrar en las opinyones kristyanas sentimyentos muncho manko agresivos enverso el puevlo djudyo.

Es seguro kel antisemitizmo vyejo de milenaryos no pudo dezapareser enteramente de un dia al otro, sovre todo en los espasyos rurales...no ay dubyo ke el esta ainda bivo en un kanton del psishizmo popular Kristyano, ma no ay tambyen dubyo ke las deklarasyones de los altos Prelatos de la Eglisya djugaron un rolo bastante grande para krear una vizyon enteramente mueva del problema djudyo i en mizmo tyempo un esforso para entender la sufriensa i el ideal de este chiko punyado de perrsonas ke kedaron un largo tyempo sin tyerra ni real avrigo.

El esforso historiko de rekonsilyasyon entre el Katolisizmo i el Djudaizmo i sovre todo el dialogo regolar ke las dos relijyones supyeron instalar i mantener (sin ke ninguna de entre eyas dos, renunsye a sus propyas kreensas, orasyones i mizmo tradisyones) permetyeron un grande aserkamyento entre eyas, prinsipalmente en el kampo etiko i humanisto.

Komo dizen munchos komentadores, el esforso de dialogar no fue ni es ainda fasil, i munchos malentendidos persisten syempre... ma ay una voluntad de komprensyon mutual ke a eya sola es una primera viktorya kontra el aborresimyento syego de los siglos presedentes.

Oy en dia en Fransya, payis ande egziste una libertad absoluta de opinyon i de ekspresyon, la mas chika palavra antisemita es kategorikamente prohibida i el negasyonismo es konsiderado komo un akto infamante. De mezmo, Korsos para aklarar los espritos de los adolesentes konsernando el periodo del Jenosidyo fueron instorados en munchos kolejyos i liseos.

La semana pasada, el Papa Benedictus XVI publiko un livro ande el espesifika klaramente su dezaprobasyon enverso kualkyer aluzyon a la terrivle akuzasyon de “deisizmo” ke durante largos siglos persigyo el destino del puevlo Djudyo i ke aktualmente el Vatikan konsidera ser totalmente falsa. 

De su parte, el Kardinal André Vingt- trois, shefe espiritual del puevlo Fransez, deklaro ke los katolikos komo los Djudyos se ambezaron a mijor konosersen los unos los otros durante estos kuarenta anyos de dialogo, i tambyen afirmo kel antisemitizmo es un pekado enverso Dyo i enverso la humanidad.

Estos ultimos dias vimos la reaksyon immedyata i espontanea de la Djustisya Franseza en el kavzo John Galliano.

Ansi, durante el ultimo enkontro entre la altas Personalidades relijyozas Kristyanas i Djudias ke tuvo lugar la semana pasada en Paris, Rabbi Richard Marker, kondjuntamente grande relijyozo i grande humanisto, selebre por la profundura de su pensamyento i luchador inkansavle por una komprensyon i una akseptasyon mutual entre todas las Relijyones Monoteistas, prekonizo enkontros sin esprito de hostilidad ni de superyoridad i solo kon el objektivo de entendersen los unos los otros, entre grandes Reprezentantes no solo de las dos, ma de las tres prinsipales Relijyones Monoteistas.

Eske esto puedra asegurar la kerensya entre los ombres ken ke sean i de ande ke vengan?

Facebook'ta Paylaş
Yazar Klara PERAHYA
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
El dialogo ke desde 40 anyos se establesyo entre el katolisizmo i el djudaizmo a la sigida de la eliminasyon de kualkyer formula de antisemitizmo, deve servir de modelo para transformar las relasyones kon el Islam. Rabbi Richard Marker, Grande Rabbino Djudyo Amerikano

"/>
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008