gozlemkitap
RSS
Yayın Haftaları X
La umor Djudiya -2

El haham israelino se muryo, i esta asperando en las puertas del sielo, para ke le den permision para entrar al ganedan.

Enduna, viene el konduktor de un otobus, i sin asperar, presto, entra al ganedan.

El haham se inyerva.

- Esto no es djusto del todo, dize el haham. Un konduktor ke entre al ganedan mas presto de un haham? Este modo de koza ne se vido fin agora.

El anjelo empesa a riyirse.

-Mira, Rabi, no te inyerves, este konduktor tiene mas muncho dirito de ti para entrar al ganedan. Kuando tu davas un sermon el la Sinagoga, todos se durmian, ma, kuando este konduktor estava konduizando, todos los pasajeros en el otobus se metiyan a rogar.

Los judios, komo sufrieron muncho, i ke dainda estan sufriendo, ya se ambezaron komo tomar prekosinos, i protejarsen de todo.

El prezidente Bush se fue a la CIA para demandar ‘komo puede ser ke los djudyos estan al koriente de todo, antes de todos’.

- Ah, le dize el shef  de la CIA, muy fasil. Los djudyos, kontinualmente se demandan de unos a los otros, ‘Ke se esta pasando?’.

Bush se desida de vistirse komo un djudyo ortodokso, i sin dar haber a dingunos, se va a Brooklyn. Esta siguro ke dingunos no lo vana konoser. En kaminando en las kayes de Brooklyn, Bush rankontra un viejiziko, i komo el shef de la CIA le aviya dicho, Bush le demanda al viejiziko, ‘Ke es esta pasanda?’.

El viejiziko se aserka de Bush, i para ke no oygan dingunos, le dize a boz basha, ‘Bush esta en Brooklyn’.

Los djudios rusos, por munchos anyos, rezistieron la opresion i la provedad en la Union Sovietika.

Un djudyo ruso fue finalmente permetido a abandonar la Union Sovietika, i  emigrar a Israel. En el aeroporto de Mosko, el ofisie le esta demandando, deke se esta yevando el busto de Lenin a Israel.

- Kero guadrar komo suvenir el busto de este ombre grande ke kreo un ganedan para los lavorantes.

El ofisie se riyo kon orgolyo, i lo desho pasar.

Arivando a Israel, en el aeroporto Ben Gurion, el ofisie israeliano de demando la mezma kestion.

- Ah, disho el djudyo, va meter este busto a la tualet para akodrerme, kada vez ke va entrar, de las negreguras ke mos izo este bandido.

El ofisie se riyo i lo desho pasar.

Kuando arivo a la kaza de sus ijos en Yerushalayim, en vaziando la validja, el inyeto vido el busto, i le demando ‘kualo es esto, nono?’

- Ah… disho el nono, esto es un busto de oro, ke vale diez mil dolares.

En los dias de opresion, i de provedad en la Union Sovietika, los djudyos oyeron ke los rusos toparan una kristiana muerta en un shtetel. Presto, los djudyos de akel stetel se reunieron en la Sinagoga, para desidar kualo azer.

Enduna, entra el rabino, koriendo:

-   No vos mirikiyesh, la mujer asasinada era djudiya’.

El mundo siempre akuzo los judios, por la empotansa ke dan a las paras.

El doktor le dize al hazino:

- Malorozamente, te esto dando solo sesh mezes de vida.

En salyendo de la klinik, el hazino le dize al doktor:

- Me ekskuzo muncho doktor, no te va pueder pagar.

- Bueno, le dize el doktor, otros sesh mezes te esto dando.

No va dizir nada por la madre judiya. No ay fin de las anekdotes sovre la madre djudiya. No es muy fasil de kontentarla.

Madam Kohen le merko dos gravitas al ijo el diya de su aniversario. Noche de Shabat, antes de irse a komer ande su madre, el ijo se desida de vistirse una de estas gravatas, para kontentarla.

Kuando Madam Kohen avre la puerta, i lo ve kon la gravata, enduna echa un grito:

- No te plazyo la otra?

Facebook'ta Paylaş
Yazar Dora NİYEGO
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008