gozlemkitap
RSS
Yayın Haftaları X
Vayigaş

Los ermanos de Yosef i partikularmente Yeuda ke dyo palavra a su padre de retornarlo a Binyamin, enpesan a mostrar sus valor i sus baraganiya. I Yeuda sovre todo se mete a konvenser a Yosef. Le da a entender ke el esta pronto a todo presyo de salvarlo a Binyamin. Por este buto el no se va espatar de destruyir a el Ejipto. El kale ke se yeve sano a Binyamin onde su padre.

Yosef se konvensyo byen, ke sus ermanos verdadmente se vana entregar a la muerte por uno de eyos. Esto demostra por siguro ke ya se repintyeron de lo ke izyeron kon el. Yosef no pudo mas ensistir, se dyo a konoser a sus ermanos se abrasaron i yoraron, yoro de alegriya. Paro tuvo avizo de este kavzo, se gusto muncho ke Yosef aparteniya a una famiya alta.

Yosef les dyo regalos a todos sus ermanos. I kon orden de Paro, mando a sus ermanos kon karosas del palasyo onde Yaakov su padre por azerlo vinir a Mişrayim, para ke biva el resto de su vida, kon repozo alado de su ijo.

Los ermanos de Yosef no perdyeron tyempo i su fueron todos a una kon alegriya a Yaakov sus padre. Sigun les enkomendo Yosef no le avizaron a Yaakov al punto porke no le akonteseriya un dezastre de la alegriya i se lo dişeron a Sarah la entenada de Aser. Ke eya kon su grasya i su entelijensa se lo avizara a Yaakov. Ansi fue ke Yaakov tuvo avizo de parte de Sarah ke Yosef esta bivo i ke el es el podestador del Ejipto.

Yaakov no kijo kreer ke su ijo esta en vida. Vyendo la Karosas i los regalos ke le mando su ijo se konvensyo i se kreyo a las palavras de sus ijos.

Yaakov desido de ir a Mistrayim i ver a Yosef.Tuvo avizo Paro ke Yaakov vino a su paiz. İ les dyo la sivdad de Goşen por morara Yaakov i a sus ijos.

Facebook'ta Paylaş
Yazar Rav Yeuda ADONİ La peraşa de la semana
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008