gozlemkitap
RSS
Yayın Haftaları X
Un ombre de armoniya de muestra komunitad se desparesyo

MOİZ AZİZ ke tu alma repoze en gan-eden.

Yo; lo konosi antes ocho anyos kuando fue el presidente del azilo de los aedados  (İhtiyarlar Yurdu), en los mismos anyos i yo fui la presidente de Matan-Baseter Barınyurt.

Moiz era un dirijente futuristo (fütürist), teniya una imajinasyon (hayal) produktiva (üretken) i fruktuosa (verimli, meyva veren),  muy kapache i reushido, un volontaryo ke lavoro kon el konsilyo de administrasyon (yönetim kurulu) mano kon mano de la organizasyon de los aedados sovre el nombre “İhtiyarlar Yurdu Derneği.”

Ser un volontaryo es una manera de bivir (yaşam biçimi). Es un evenemento ke sostyene la alma de la persona (insanın ruhunu besler).

Lavorimos kon el endjuntos kon una grande armoniya (uyum) i entendimyento (anlayış), tanto reushida; ke las relasyones entre las dos organizasyones bivyeron los anyos de oro.

El era franko (açıksözlü),  karizmatik, avlava kon todos los pansyonaryos kon kara riyendo , akorrido, apiadoso (yardıma koşan) i un lider; kapo en los puntos de vista diferentes.

Una persona yena de una enerjiya sin fin, lavorava oras largas para enalteser el nivel de los pansyonaryos ke eran komo su famiya.

Ser volontaryo es; pensar al den frente en keryendolos byen, ayudarles a azer lo ke tyenen menester. Entelijente i muy aktivo, teniya syempre buenas relasyones kon el den frente.

Moiz Aziz teniya una vizyon muy ancha, ombre de grandes proyektos (proje), byenfetor i lo mas emportante una persona de armoniya, un buen komersante, buen marido, buen padre, i buen granpapa mos desho la buena vida. Ke este en gan-eden!...

 Me esto akodrando; en el anyo 2005; en una nochada de Hanuka ke fyestimos en Barınyurt; Moiz asistyo a esta nochada kon 20 personas de sus myembros (üye) volontaryos; para dar un apoyo (destek) a muestra organizasyon.

Este akto era el egzempyo de la solidaridad (dayanışma) ke aviya mostrado kon su partisipasyon.

Kuando lo bushkava por una demanda; el la solusyonava (çözümlemek) imedyatamente kon sezudeza (aklıselim).

Era amado por todos, se okupava de los vyejos kon grande kerensya, era persona muy adjideoso (merhametli).

 Ombre de ekilibro era el egzempio de la modestiya, de la semplisitad, rezolvava las problemas sin mostrarse.

Lavoro kon grande ardor en İhtiyarlar Yurdu, fue el presidente, muy laboryozo i produktivo fina el dia de alkavo.

Mizmo ke teniya un karakter muy distrakto (dalgın), este karakter le aziya ganar (kazandırmak) un punto positivo entre sus amigos ke lo keriyan muncho byen.

Esto muy triste de peryer a este amigo presyozo, mansevo, ke teniya dainda munchas responsibilitades.

Ke su alma repoze en gan-eden.

Pasensya a su mujer, a su kerida famiya, a sus amigos i a toda la komunitad.

Este anyo en la Sinagoga de Burgaz, alhad demanyana a las sinko, se izo un “SELİHOT” espesyal i muy ermozo.

Espesyal porke aviya kaji sesenta partisipantes (katılımcı), ke los kinze eran mansevos de 16-17 anyos, ke asistyeron a esta orasyon.

A parte de eyos lo mas emportante es ke el Grande Rabino Rav. İzak Haleva kon el Hazan Arashi David Sevi i su mujer asistyeron a esta seremoniya fabuloza (olağanüstü).

El Hazan Arashi David Sevi; kon su boz dulse i maraviyoza manyetizo a los partisipantes.

 Leon Esim kon Yosi Haleva tanyeron (çalmak) tanto ermozo el Shofar; ke todas las mujeres se emosyonaron i ampesaron a yorar.

Estava koza de ver!...

Una shena muy sentimental.

A la fin todos emosyonados i satisfezados partisiparon a la seuda ke paso muy alegre kon el Grande Rabino ke remersyo a todos de asistir a esta orasyon emportante ke tyene lugar entre las dos fyestas Rosh-Ashana i Kipur.

 Entremientes keridos lektores; vos esto suetando (temenni etmek) una anyada mueva; yena de sanedad en primero, de prosperidad, de unyon en el mındo entero, de buendades i felisidad (mutluluk) para todos los mansevos i grandes.

Rosh-Ashana alegre kon todas las famiyas, muestro  entorno, kon pas i amor, i kerensya entre todos los paises i la umanitad.

Todos muestros dezeos ke se afirmen komo keremos, i veremos todas las ermozuras i las reushitades de muestros ijos i ijas.

Pujados i non aminguados!...

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008