gozlemkitap
RSS
Yayın Haftaları X
Tu Bishvat el anyo muevo de los arvoles
Tu Bishvat el anyo muevo de los arvoles

Tu Bishvat es el 15 del mes de Shevat. El anyo muevo de los arvoles... El empisijo de la primavera.

Kada  arvole es una bendisyon (kutsama), para el pais. Kon su ermozura adorna (süslemek) la tyerra i da solombra. los raizes (kök) ke estan a las onduras de la tyerra, salvan de la erozyon.

Kada anyo selebramos esta fiesta kon toda la famiya endjuntos.

El seder konsiste de komer frutas muevas i de bever vino; para fyestar el anyo muevo, o para fyestar la ayegada proksima de la primavera.

Las mezas son yenas de frutas i produktos de la tyerra.

Trigo (buğday i produktos derivados).

Vino, igo, agranada (nar), azituna, datile, uva, mansana, muez, banana, karota, melon  i frutas sekas.

Despues ke se disho todas las berahas i se komyo todas las frutas, se toma un limon en la mano i en golyendolo se dize una beraha diferente.

Es en Tu-Bishvat ke Dyo; desido ke los arvoles seran fruktiferos (meyve vermek), unos de eyos van a kreser, otros se van a sekar i se van a murir.

Egziste una uzansa vyeja ke endika a los padres;  sembrar un sedro (sedir ağacı) kuando nase un ijo, i un sipres (servi ağacı) en el nasimyento de una ija. İ en la boda de estos mansevos, los ramos (dal) de estos arvoles van a ornar la sinagoga ande se van a kazar.

Esta fyesta afirma la relasyon ke egziste entre el puevlo djudyo i su tyerra. Ya savemos ke el puevlo ebreo fue orijinalamente agrikultor (ziraatçi), i tiene una amor profonda a los arvoles. Estas selebrasyones mostran la emportansa ke dan los djudyos a esta fyesta.

Kale demandar esta demanda :

Ke es tanto sinyifikativo en los arvoles, ke fyestamos sus anyos muevos?

La Tora dize: Deke la persona es un arvole de la tyerra?

Ke es la sinyifikasyon de esto:

Mos puedemos ambezar de los arvoles, kozas muy emportantes para muestra vida.

Los arvoles syempre tyenen una enfluensya pozitiva enriva de la atmosfera, del tyempo i del entorno. Eyos dan frutas, solombra (gölge), abrigo a las bestyas (hayvan), dan oksijen a la tyerra, avizan la erozyon i dan umiditad a la tyerra.

Tu Bishvat es la fyesta de la natura.

El arvole es el sembol de laVİDA i del SAVER.

La Tora;  es la orijin (kaynak) de la saveduria (bilgi),de la konosensya, es el oksijen de los djudyos.

Ma, la konosensya no tyene valor kuando es sola, kuando no es entornada de otras kozas.

Kale tomar fuersas de las tradisyones ke son muestras raises, para pueder tener un futuro reushido.

El ombre es komparado a un arvole del kampo; porke kon sus kualitades syempre el se developa (kendini geliştirir), i a la fin i el da frutas, ke son los ijos.

Kale kontinuar a selebrar todas las fyestas , para ke los mansevos se ambezen muestras tradisyones i ke lo realizen fina la fin.

Para kada anyo mijorado !......      

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008