gozlemkitap
RSS
Yayın Haftaları X
Varias reaksyones al diskorso de Barack Obama
Varias reaksyones al diskorso de Barack Obama
Kada uno ve la realidad de las kozas segun su propya persepsyon

Barack Obama pronunsyo un diskorso inkontestavlemente muy  byen estrukturado i mu byen ekilibrado, el kual fue djuzgado de una manera diferente en diferentes lugares del mundo.

Segun la prensa internasyonal (Le Monde, Le Point, Washington Post, Haaretz, ets...) el se detuvo de emplear palavras  ke puedran ser mal interpretadas ...el no avlo de la falta de libertad  en varios payizes Arabos de la rejyon  ma insistyo sovre la nesesidad para el mundo Muzulmano de ayegar a objetivos politikos i sosyales de una importansa primordyal, komo la edukasyon de las ijas afin ke eyas puedan  mas tadre partisipar a la vida aktiva del payis. La palavra “terrorizmo” no fue a ningun momento pronunsyada, remplasada por “ekstremizmo violente”.

Obama afirmo ke las kolonias Israelyanas no son lejitimas i mensyono la nesesidad de dos estados independyentes el uno Izraelyano, el otro Palestinyano, ma por kontra, el tuvo el koraje de avlar (en un payiz Arabo) del  karinyo indefektivle ke ata los Estados Unidos a Israel  i dyo la aseguransa de un apoyo  konstante al puevlo djudyo ... El kondeno el antisemitizmo i tambyen el negasyonizmo i en mizmo tyempo el manifesto su simpatia  enverso la sufriensa del puevlo Palestinyano.

Las reaksyones fueron elojyozas, salvo las de Benladen ke lo trato kaji de impostor.

 El prezidente Palestinyano  topo el diskorso  muy pozitivo i mizmo el Hamas avlo de una realidad tanjible.

En İsrael las reaksyones trokaron segun el kampo politiko al kual el komentador apartyene. “Netanyahu” se kontento de manifestar su satisfaksyon de empesar en poko tyempo las negosyasyones de paz kon los Palestinyanos sin a ningun momento azer mensyon de dos estados o de una restriksyon en el desvelopamyento de algunas kolonias.

El portaboz del governo Israelyano afirmo ke su payis partisipa a la esperansa  kel djesto de avyertura de Barack Obama enverso el mundo Muzulmano permetra de meter  fin a un konflikto vyejo de 60 anyos i ke ansi, puedra aver en esta rejyon, el rekonosimyento jeneral del Estado de Israel.

El disho “ Muestro payis kere la paz  i azera su posivle para anchear el serklo de paz, todo en konsiderando su interes nasyonal i antes de todo su seguridad”. Todo komo Netanyahu, el komunikado İsraelyano no mensyono el dezeo del prezidente Amerikano de meter fin a la kolonizasyon ni  la kreasyon de un Estado palestinyano enteramente independente.

El CRİF (konsilyo reprezentativo de las institusyones djudias de Fransya) kedo, el, un poko rezervado  al sujeto del diskorso de Obama . El prezidente  Richard Pasquier  disho ke no kale desharse enganyar por los byervos i ke kale tomar en konsiderasyon el punto de vista del governo Israelyano. El afirmo ke Konsernando la kreasyon de  un Estado Palestinyano, los Israelyanos kedan inkyetos por la segurida de sus payis. La idea de ver un dia un Estado dirijido por el Hamas es espantavle para eyos.

Konsernando el desvelopamyento de las kolonias , el prezidente del Crift kedo un poko evazivo i disho ke algunas de entre eyas puedran kedar tal ke son,en kompensasyon de un territoryo ekivalente para los palestinyanos.. en todo kavzo un dialogo kon los payizes muzulmanos sera muy interesante.

Despues su vijita en Ayifto, Vyernes, durante su sedjorno en Almanya, Barack Obama  djuntos kon Angela Merkel ,Elie Wiezel i  un otro sovrebivyente de la Shoha, vijito el Kampo de la muerte Bıchenwald.

Esta vijita simbolika fue persivida komo un mensaje de amistad i un apoyo a Israel. En su avla delantre el Memoryal, el prezidente de los Estados Unidos manifesto su emosyon i disho “…ainda ay personas yenas de aborresimyento ke insisten a dezir ke no uvo Holokosto, personas ke nyegan la verdad. Este lugar yeno del rekordo es la ultima preva de la falsedad yena de odyo de semejantes palavras.”

Facebook'ta Paylaş
Yazar Klara PERAHYA
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008