gozlemkitap
RSS
Yayın Haftaları X
La ventana de vuestra ermana
La ventana de vuestra ermana

El entregamyento del pueder prezidensyal en BARINYURT

El 19.04.2009 alhad demanyana, tuve la okazyon de asistir al entregamyento del pueder  prezidensyal (başkanlık devir teslimi) de Viktor Kohen Ülçer a Simon Nahmiyas.

Fue un dia reushido yeno de sentimyento. Barınyurt es la organizasyon la mas grande a mi idea, despues del ospital Or-Ahayim, i una de las mas emportantes komo el dover i la misyon ke tyene; de protejar los aedados ke no tyenen famiya i pueder; i de abasteser a los gastes de los menesterozos de Matan Baseter. Es una organizasyon ke da esperansa a los ke tyenen difikultades en la vida.

En primero la ultima presidente de mujeres Nora Uyar kon un dirijente, prezentaron el dia; en dando detalyos sovre la misyon de Barınyurt, i lo ke izyeron en estos tres anyos. Despues Aldo Elhadef avlo de lo ke izyeron en esta perioda yena de difikultades i komo reusheron a sus butos en munchos sujetos.

Despues lo envitaron a Viktor Ülçer.

En su avla; el dyo emportansa a los sujetos de ser volontaryos, a la ermozura de dar sin asperar nada i a la kerensya ke es la baza de este lavoro.

“El lavoro gana una emportansa kon el apoyo (destek) de ayudarse (yardımlaşmak) unos kon los otros.

Si todos de entre mozotros ayuda el uno al otro, todos profitamos i ganamos”.

El presidente remersyo al Gran Rabino, al presidente de muestra komunitad i al presidente ultimo, al presidente de Neve-Shalom, a todos los presidentes de las organizasyones i de las assosyasyones djudiyas de Estambol.

A la fin Viktor Ülçer remersyo a toda su ekipa de dirijentes del konsilyo de administrasyon (yönetim kurulu), a las volontaryas, al personel i a su kerida famiya kon su inyeta de ocho mezes.

Kuando termino de avlar, lo envito al muevo presidente Selim Nahmiyas.

Selim Nahmiyas; el nombre konosido de muestra komunitad; de antes kuatro anyos ke fue el presidente muy reushido del Dostluk Yurdu Derneği.

El ampeso a su avla en remersyando; a todos los presidentes pasados de Barınyurt kon todos los ke lavoraron komo volontaryos en esta ovra.

El disho ke; “En la situasyon difisil de la ekonomiya de oy; akseptar esta misyon es una grande responsabilitad ke da un grande kargo (yük) a la persona. Por esta kavza; trasimos una karta jeografika (yol haritası) por ke mos amostre el kamino ke va mos a tomar, i suivar.

Lo mas emportante es de lavorar kon todas las organizasyones de muestra komunitad kon armonia i amistad. Pueder partajar las donasyones kon djustisya igual (eşit) a todos los menesterozos. Pueder asegurar; las kondisyones las mas buenas a todos los pansyonaryos ke biven en Barınyurt, azer progresar el catering ke es la baza de la ganansya, i munchas otras kozas”.  “Siguramente ke en este lavoro va mos a tener yerros, ma va mos a topar las solusyones en diskutyendo entre mozotros.

Muestro buto es de lavorar duro i de terminar esta misyon kon muncha reushitad”.

Despues de remersyar a todos los ke asistyeron a este dia emportante, lo yamo al presidente de Neve Shalom.

Jojo Nasi; avlo de la amistad i del aserkamyento entre Barınyurt i Neve-Shalom i del lavoro ke izyeron endjuntos. Entremientes disho:

“No es fasil de ser, de apartener a la assosyasyon Barınyurt, i Matan Baseter. Deke? Vos dizere. Porke lo ke azej es distribuir (dağıtmak)  la esperansa.

No es emportante  la psikolojiya ke se topa una persona kuando se okupa u de un pansyoner, u de un menesterozo de Matan Baseter. La persona es ovligada de amostrar el kamino derecho al den frente; mizmo si esta kon muncha tristeza. Kale dar al denfrente la esperansa menesteroza.”

Vos esto rogando de aryento del korason; ke dej apoyo a los dirijentes del konsilyo de administrasyon (yönetim kurulu). A La fin remersyo a todos los ke asistyeron a esta fyesta.

Por terminar Silvyo Ovadya kon el Gran Rabino Rav. İzak Haleva remersyaron el dirijente de tres anyos de la Matan Baseter por lo ke izo kon su ekipa i felisitaron al muevo presidente por la misyon emportante i sakra ke aksepto.

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008