gozlemkitap
RSS
Yayın Haftaları X
La ventana de vuestra ermana / Tres Evenementos En Muestra Komunitad
La ventana de vuestra ermana / Tres Evenementos En Muestra Komunitad

Este mez asisti a tres evenementos emportantes, ke tuvyeron lugar en muestra komunitad.El primer era un teatro, de la organizasyon: “YILDIRIMSPOR KULÜBÜ”, kon el djugo İntrifikado “KARMAKARIŞIK”.

El sujeto era; el fakto de despedasarse (parçalanmak) de las famiyas en esta ultima perioda. La eroina (kahraman) de este djugo era una mujer, sus problemas kon su marido i famiya, madre i ijas.

Su mirada a los evenementos, i entremientes las diferensyas de las jenerasyones, el punto de vista (bakış açısı) de su madre i de su ija.

Despues ke su marido se fue de kaza; la mujer kijo realizar su vida por el intermedyaryo (aracı) de la literatura. De una parte la eroina aze un esforso para adjuntar (birleştirmek) su famiya; de otra parte kere lavorar para azerse akseptar a su komunitad.

Un djugo muy intrifikado (karışık) ma, muy byen djugado por todas las artistas i artistos volontaryos.

Esto es; un desvelopamyento (gelişme) partikular; porke todos izyeron mas de lo ke puedyeron para ke la tentativa (girişim) seya positiva i reusheron a sus butos.

Kada anyo se estan adelantando para topar sujetos emportantes i para dar mesajes al den frente i estan djugando de mijor a mijor.

El sigundo evenemento era; el teatro de las  mujeres del “DOSTLUK YURDU DERNE⁄İ”; una maraviya ke no se puede kontar kon palavras.

Las artistas eksperimantadas de anyos, edukaron (yetiştirmek) a munchas mansevas, ke tyenen un talento espesyal para djugar en estos djugos ke azen riyir i yorar en el mizmo tyempo a los espektadores.

El sujeto era aktual. La adjuntasyon (kavuşma) de sinko, sej amigas de la eskola primera, despues ke paso munchos  anyos.

En el enterval de los anyos pasados, unas kuantas se kazaron i tuvyeron ijos, otras se enrikesyeron,  una no se kazo,  la otra se fue a İsrael, i la vida partikular de todas en sus manseves i agora. Las relasyones kon sus famiyas, los trokamyentos en sus vidas i a la fin el randevu ke tuvyeron.

Komo se enkontraron, lo ke avlaron, los rekuerdos de sus chikes i manseves, i la situasyon ande se topan agora.

Esto todo, kon una lingua umoristika (mizahi) azyendo pensar a la persona.

Un djugo reushido kon todas las artistas volontaryas, ke izyeron todo el posivle para djugar de alma i korason, i para dar mesajes emportantes.

Kero felisitar a todos los grupos de Yıldırımspor i del Dostluk; para sus veluntades (azim), sus esforsos (çaba) i sus buenas entisyones (iyi niyet).

La semana pasada; en medyo de la fyesta de Hanuka; uvo un konser, un regalo para muestra komunitad de Estambol.

Un kantor famozo “DUDU FİSHER” vino a Estambol por dar este konser inolvidavle.

Kuando teniya 22 anyos; lo envitaron komo kantor a la sinagoga de Tel-Aviv.

Fisher; viajo muncho en el mundo entero para dar konseres de las musikas hasidik, yidish i kantoral.

En serka; el fue envitado komo kantor a la sinagoga de New York en Manhattan.

En 1986 en un viaje a Londra, el aviya asistido al muzikal “Les Miserables”; i esto fue el grande  trokamyento en su vida; porke en İsrael lo eskojyeron para djugar el rolo prensipal.

Dudu Fisher kanto kon la Orkestra Filarmoni de İsrael ke fue dirijado por el maestro “Zubin Mehta”.

Es un kantor ke tyene munchas reushitades i munchos premyos (ödül), en el mundo entero.

Se fue a la turne a la Amerika kon unas kuantas partidas de los muzikales famosos “Fiddler on the Roof”, “The Jazz Singer” i un show ke le apartyene “Dudu Fisher Coming to Amerika”, en el anyo 2004.Kon “Jerusalem” su demonstrasyon (gösteri) ultima (son); el manyetizo (büyülemek) a todos los oditores (dinleyici).

Esta ekspozando (sergilemek) una performans ekstraordinarya, para trayer alegriya a las personas del mundo entero.

Kuando salyo a la shena en Neve Shalom; ampeso a saludar a los ombres i mujeres kon su mano i en kantando kon la boz de seda, entuzyasmo (coşturmak) a todos del primer punto.

Entre tres kantikas estava dando un antrakto (ara) para kontar rekuerdos de su chikes en la yeshiva ande estudyo, de su manseves, kon una lingua dulse i sempatika, azyendo djestos i akodrandose kon nostaljia de los dias pasados.

En avlando de la matansina (katliam) ke tuvo lugar en la İndia; avlando de los ke se muryeron aya, todos mos emosyonimos. Para komemorarlos kanto dos kantikas muy sentimantales.

El kanto; en espanyol, en ebreo, en ingles, en franse, en yidish de una manera ekselente ke todos aplodisaron de aryento del korason i no lo desharon iyirse de la shena.

Una ora i medya, fue para mozotros una nochada inolvidavle.

Keridos lektores; vos oguro; ke el anyo 2009 seya una anyada yena de amistad, esperansa, i pas i amor en el mundo entero.

Facebook'ta Paylaş
Yazar Şeli GAON
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008