gozlemkitap
RSS
Yayın Haftaları X
VAYİGAŞ

Los ermanos de Binyamin, partekularmente Yeuda, ke fue fiyansa por Binyamin a su padre, no lo puediya deşar a Binyamin por esklavo en tyeras ajenas.

Amostraron a Yosef sus ermano sus valor i sus baraganiya. Yeuda se mete a konvenser kon Yosef, kon buenos. Le da a entender ke es enposivle de deşarlo a Binyamin ai.

Alora, se konvensyo byen Yosef ke sus ermanos verdadmente se vana entregar a la muerte por uno de eyos. Esto demostra. Ke ya se tuvyeron repintido de lo ke izyeron kon el, i no puedyendo mas suportar, se dyo a kanoser a sus ermanos kon munça fineza, i se abrasaron i yoraron, de parte i parte. Al punto tuvo dvizo de esto paro i todos los grandes personajes del Polasyo.

Se gustaron munço todos sintyendo ke Yosef sus podestador, i rijidor apartentya a una famiya la mas onorado del mundo, i no era un ombre perdido i esklavo, sigun pensavan asta agora.

Yosef les dyo regalos a todos sus ermanos para toda la famiya. Kon orden de Paro mondo a sus ermanos. Kon karosas del palasyo onde Yaakov su padre por azerlo venir a misrayim. Para ke biva el resto de su vida kon repozo alado de su ijo Yosef.

Los ermanos de Yosef sin perdier tyempo se fueron todos a una muy alegres onde Yaakov sus padre. Sigun les enkomendo Yosef sus ermado de no darle avizo a Yaakov al punto, porke no le akontesyera un dezastre de la alegriya, i se la dişeron a SERAH la entenada de Aşer. Eya kon su entelijensa, se lo arizara a Yaakov de bueno manera. Ansi tuvo avizo por boka de Sarah ke Yosef esta bivo i ke el es el podestador del Ejipto. Yaakov no kijo kreyer a estas palavras.

Vyendo las karosas i los regalos ke le mando su ijo, se konvensyo por siguro ke es verdad lo ke le dizen. Se arebivyo su korason, se inço de alegriya Yaakov Avinu se determino de ir a misrayim verlo a Yosef, su entisyon era de tornar atras a la tyera de Kenaan. Yaakov Avinu sole de la tyera de Kenaan I se va kon toda su famiya a Misrayim Yosef se Ronkontra kon su padre, se bezan I se abrasan i yoran de alegriya. Kon orden de Yosef los izo. Morar a su famiya en tyera de GOŞEN.

Facebook'ta Paylaş
Yazar Rav Yeuda ADONİ La peraşa de la semana
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008