gozlemkitap
RSS
Yayın Haftaları X
En el mez de november selebramos el diya de las maestras

En el anyo 1933, kon la propozisyon del direktor jeneral de UNESCO, Federico Mayor, el sinko de Oktobre fue akseptado komo Diya de Maestras en el mundo entero. Ma agora, en munchos paizes, este diya se esta selebrando en diferentes datas. En la Turkiya, kon la propozisyon de Atatürk, el ventikuatro de November fue fiksado komo Diya de las Maestras.

En este diya, el mas ermozo mesaje ke una maestra kere resivir es: ‘Estomos apresiando tus eforsos!’. Ma malorozamente, en dingun lugar en el mundo, este mesaje no se esta repetando muncho.

El objekto del Diya de Maestras es de estimular (uyarmak) los governos i el puevlo, por la nesesita de developar las kondisyones de lavoro de las maestras i de elevar sus status en la sosiedad. Las maestras estan aziendo munchos eforsos para aparejar una jenerasyon pronta a los rapidos trokamientos de la vida de oy.

Segun el grande edukador Dr. Sarvapelli Radharkrishnan, ‘Las maestras deven de ser los mijores meyoyos de un paiz,  porke eyas son las ke dan la formasyon a las kreaturas i a los mansevos’.

Si pensamos ke un elevo pasa los tres kuartos de un diya en la eskola, puedemos entender ke karar de grande es el efekto de la eskola i de las maestras en su developamiento. Los mas emportantes modeles en la vida de los elevos son las maestras.

El dover de una maestra no es solo de ansenyar, ma es tambien de formar la vida de los mansevos kon grandes objektos i esperansas.  Edukar es ekspender los orızones (ufuklarını genısletmek) de los mansevos, mobılızar sus ıntelekto (zıhnını harekete gecırmek), ı ansenyarlos a pensar djusto. En edukando, una maestra aze munchas kozas en mezmo tiempo. Ensenya, orienta, enspira, ayuda al progreso akademiko, sosyal i emosyonal de sus elevos En azyendo ganar a sus elevos buenas kalitas, una maestra pena para ke sus elevos se apersivan de sus talentos i ansi, ke ganen propia konfiensia. Determinar objektos en la vida, krear muevas kozas, ser reushido i lo mas emportante, ambezales a gerrear kon los problemes ke se rankonra en la vida, son tambien los doveres de una maestra. En resume, una maestra ayuda sus elevos, a se armados para pueder avrir las puertas de una vida mijor. Kada dıya, los edukatores estan bushkando muevas teknıkas para pueder arıvar a este objektıvo de la mıjor manera.

 Oy, las personas deven de ambezarsen muevas kozas kada diya i de developar sus talentos para pueder alkansar los trokamientos kontinuales de la teknolojiya. En los anyos dalkavo, la edukasyon i la ensensia trokaron de signifikasyon. Antes, ambezar era solo en las eskolas; oy endiya, ambezar esta kontinuando durante la vida entera. Kada uno de mozotros, tenemos menester de ser estudiantes kada diya porke estomos en una epoka de asierto i de enformasyon. Los medios de komunikasyon mos estan prokurando todo modo de enformasyon. El kargo de las maestras esta ogmantando de diya en diya. Kada dıya, los edukatores estan bushkando muevas teknıkas para pueder arıvar a este objektıvo de la mıjor manera. Las maestras estan partisipando en kursos para developar muevas metodes de ensensia, para ambezarsen las novedades de la teknolojia i las muevas metodes de edukasyon. Eyas mezmo se estan aziendo elevas para pueder alkansar a la reforma de edukasion.

 Oy, mas de siempre, las maestras tienen menester del suporte i del protejo de los governos i del puevlo para pueder sostener el kargo de estas responsabilitades... 

Esperamos ke esta profesıon, ke es tan respektada en el mundo entero, va elevar su status, va ganar mas muncho prestıj, ı ansı, en el futuro, las maestras vana  reushır a ganar sus derechos, i a tener mas mijores kondisiones de lavoro i de vida.

Facebook'ta Paylaş
Yazar Dora NİYEGO
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008