gozlemkitap
RSS
Yayın Haftaları X
“Barak Obama prezidente” Viktorya del puevlo Amerikano sovre si mizmo
“Barak Obama prezidente” Viktorya del puevlo Amerikano sovre si mizmo

"Barak Obama prezidente" ….Aunke los sondeos indikavan klaramente su viktorya, uvo asta  el ultimo momento, en el esprito de muncha djente, komo un dubyo …  terror indefinivle  de lo ke no se konose … perpleksidad  delantre  rumores negativas, por la mas parte kalomnias o byen supozisyones  bazadas  sovre  fragmentos de realidad  sin verdadera sinyifikasyon, porke  arrankados del konteksto ande se avian  produzido... medyas verdades trasmetidas de boka a  oreja, mas danyozas  ke la mentira.

Munchos elektores tuvyeron momentos de indesizyon antes de trespasar sus espanto ansestral .  Esto kontinuo asta la fin; ma por kontra ,en mizmo tyempo ke la anksyedad, avia tambyen en eyos el dezeo de un real trokamyento, de una otra manera  de ver las kozas i de pensar.

En el chaos de los tyempos prezentes, una sola persona puedia inkarnar esta esperansa: “un mansevo  diferente de los otros", de kuero bruno,  fruto de una unyon entre un preto de Kenya kon una blanka. En el, una intelijensya briyante,  la rikeza de dos erensyas jenetikas diferentes i  tambyen el potensyal  enerjitiko  ke su lucha insesante  para  azerse akseptar, desho en el...  

Ansi, no se puede nyegar ke en un mundo en perpetual rebuelta,  la eleksyon de Barak Obama es la afirmasyon  ke el  puevlo Amerikano  supo venser  los prejuisyos  eredados de sus antepasados …  Eya es la prova de su akseptasyon  del prinsipyo de  igualidad absoluta entre todos los sitizanos i de la  posibilidad para kada uno (de ke kolor o  klasa sosyal ke sea) de pueder ayegar a los mas altos postos, en vertud solamente de sus propyos meritos.

Es por esta razon ke esta eleksyon no es solo la viktorya de un ombre inkontestavlemente de grande valor, ma tambyen “la viktorya  sovre si mizmo del puevlo Amerikano, poderozo i en munchas okazyones seguro de su superyoridad".

Es kel futuro prezidente  ve parvenir immedyatamente a trokar la situasyon aktual? Por seguro No... munchas difikultades lo asperan, esto es  inevitavle. Por las oras, el esta konsultando diferentes  espesyalistos en vista de eskojer el mijor kamino a sigir afin de rezolver los problemas los mas urjentes…El eskojo komo shefe de kabineto “Rahm Emmanuel”, djudyo, ijo de un  padre  Israelyano,  i tambyen  (komo uno de sus konsejeros) “David Axelrod” ijo de un reskapado de la Shoah...

Es klaro ke el  problema rasyal no se va rezolver enteramente de un dia al otro. La lucha kontinuara, las protestasyones tambyen. Lo mas importante es la avyertura de la mentalidad mayoritarya del payis, su akto de konfiansa enverso un otro de kolor diferente.

En su primera konferensya de prensa, a su lado Rahm Emmanuel  i sus otros konsejeros, Barak Obama insistyo partikularmente sovre el “Inemployment" (el dezempleo)ansi ke sovre los problemas  de la klasa medyana ekonomikamente  flaka..

Segun el, “la diskriminasyon pozitiva*" deve ser aplikada no segun la rasa, ma  segun la situasyon finansyera de la persona.

P.S, "diskriminasyon pozitiva": fasilidades konsentidas asta agora, partikularmente  a personas de  kuero bruno

Facebook'ta Paylaş
Yazar Klara PERAHYA
Yazdır Yazdır
Yazdırma Önizleme X Yazdir
Yazdırma işlemini başlatmak için YAZDIR 'a tıklayın.
Arkadaşına Gönder Arkadaşına Gönder
Arkadaşlarıma Gönder X
Abone Formu X
Şalom Gazetesi’nin adresinize gelmesi için bir yıllık şehir içi abonelik ücreti 140 TL.dir.
İletişim Formu X
Şalom Satış Noktaları X
Remzi Kitabevi - Etiler Akmerkez
Remzi Kitabevi - Suadiye
Remzi Kitabevi - Osmanbey
Remzi Kitabevi - Erenköy Carrefour
Remzi Kitabevi - Akadlar Mayadrom
Remzi Kitabevi - Mecidiyeköy Profilo
Remzi Kitabevi - Ankara Armada
Remzi Kitabevi - İzmir
Remzi Kitabevi - Antalya
Şalom Gazetesi - Künye X
künye
Abone Bize Ulaşın Reklam Şalom Satış Noktaları Künye Tüm Hakları Saklıdır. Şalom Gazetesi 2008